Lexoni edhe:
Merret vendimi për Muriqin, pas kartonit të kuq që e mori të hënën
Ronaldo kundërshton akuzat e federatës anglez për goditjen e telefonit të tifozit 14-vjeçar
Cristiano Ronaldo do të kundërshtojë akuzat nga federata angleze për goditjen e celularit nga dora e një tifozi adoleshent, ka bërë të ditur trajneri i Manchester United, Erik ten Hag.Portugezi u akuzua muajin e kaluar për një shkelje të Rregullit E3 të federatës në lidhje me sjellje të pahijshme ose të dhunshme pas incidentit pas humbjes së United në Goodison Park në prill. United lëshoi një deklaratë në atë kohë duke thënë se klubi do të mbështeste Ronaldon në përgjigjen e tij dhe Ten Hag konfirmoi të mërkurën: “Ne folëm për këtë. Ai nuk do ta pranojë atë (akuzë)”.
Një panel disiplinor i federatës do të ishte mbledhur pavarësisht përgjigjes së Ronaldos, sepse është konsideruar një rast jo standard. Tani do të duhet të përcaktojë nëse 37-vjeçari është fajtor për akuzën dhe, nëse po, të vendosë për një dënim. Ky mund të jetë një ndalim, gjobë ose paralajmërim. Vendimi i Ronaldos për të luftuar akuzën vjen pavarësisht se kërkoi falje publike për pjesën e tij në incidentin kur tifozi 14-vjeçar Jake Harding u përpoq të filmonte lojtarin në telefonin e tij ndërsa ai dilte jashtë fushës në “Goodison Park”. Ylli portugez me zemërim e goditi telefonin nga duart e djalit, duke e lënë atë me një dorë të mavijosur, sipas nënës së tij Sarah Kelly.
(Kosova Sot Online )
