Lexoni edhe:
Shugurimi i patriarkut shovinist serb Porfirije në Patrikanën e Pejës
Panadic flet pas debutimit në krye të Ferizajt: Së bashku do t’ia arrijmë qëllimit
Andrej Panadic ka debutuar si trajner i Ferizajt, ku pësoi humbje 2-1 në udhëtim te Prishtina. Trajneri kroat ditë më parë mori drejtimin e klubit ferizajas dhe nuk kishte shumë kohë për të punuar me skuadrën.
Gjithsesi ai ka folur për duelin e humbur nga Prishtina ku është i bindur se do t’ia arrijnë qëllimit të mbeten në elitën e futbollit kosovar. “Me njerëzit e klubit kemi thënë se bashkë do t’ia arrijmë qëllimit. Kur kam dëgjuar ambiciet e klubit kam ardhur me dëshirë të madhe. Sa i përket ndeshjes së parë, duhet të them se dallimi është i madh kur luan në bar sintetik dhe në bar natyral. Ky nuk është arsyetim, por neve na u desh të përshtatemi me fushën nga 20 deri në 25 minuta”.
Trajneri kroat tha se përkundër zërave që Prishtina është në krizë ai nuk e pa një gjë të tillë, derisa i mbetet të përmirësohen në disa aspekte. “Po thonë se Prishtina ka krizë, por unë nuk pash krizë te Prishtina. Tani neve na duhet të përmirësohemi në disa aspekte. Besoj se do të jemi shumë më mirë”, deklaroi Panadic pas ndeshjes. Ferizaj është e fundit në tabelë me vetëm tetë pikë pas 11 ndeshjeve të zhvilluara.
(Kosova Sot Online )
