Lexoni edhe:
Politika vetëm po improvizon, nuk është e interesuar për sistem të drejtë zgjedhor, të sigurt dhe të reformuar
Simeone thotë se nuk do të largohet nga Atletico pa e arritur këtë gjë
Trajneri i Atl Madrid, Diego Simeone, ka thënë se nuk do të japë dorëheqjen.
Klubi që ai drejton, Atletico Madridi u eliminua të mërkurën nga faza e grupeve e Ligës së Kampionëve.
Megjithatë, Simeone thotë se nuk do të largohet nga klubi pa e fituar Ligën e Kampionëve.
“Një moment i vështirë, por nuk do të jap dorëheqjen. Jam kokëfortë dhe për sa kohë të jem në klub do të insistoj që të marrim trofeun në Ligën e Kampionëve, gjë që na duhet”, tha Simeone.
Trajneri argjentinas ka kontratë me Atleticon deri në qershor të vitit 2024. Ai ka qenë trajner i klubit madrilen që nga viti 2011 dhe me Atleticon fitoi dy tituj të La Ligës, Kupën e Mbretit, Superkupën e Spanjës, dy Liga të Evropës dhe dy Superkupa Evropiane.
Simeone humbi finalen e Ligës së Kampionëve ndaj Realit në 2014 dhe 2016.
(Kosova Sot Online )
