Lexoni edhe:
Escobar duhet ta mbaj fjalën, Jo Asociacion me kompetenca ekzekutive që prodhon një Republika Srpska 2
Ardon Jashari drejt hapit të madh në karrierë, Arsenal dhe Napoli në mesin e tyre
Ardon Jashari ka padyshim befasia më e këndshme në listën e futbollistëve të ftuar nga Murat Yakin për Kampionatin Botëror te Zvicra.
Mesfushori i talentuar shqiptar ka pasur një vit të jashtëzakonshëm, ku bëri debutimin me ekipin e parë të Luzernit, pastaj mori edhe ftesën për Katar 2022. Por ka shumë mundësi që ai mos të luaj më për Luzernin, ku është kapiten i këtij klubi pasi ofertat në drejtim të klubit zviceran për shqiptarin ka me bollëk.
20-vjeçari ka zhvilluar 15 ndeshje në Superligën e Zvicrës ku ka bërë edhe katër asistime. Megjithatë mediat zvicerane kanë raportuar se janë plot gjashtë skuadra që duan transferimin e shqiptarit gjatë afatit kalimtar të janarit.
Lideri aktual i Ligës Premier, Arsenal është në krye të listës, derisa në Angli reprezentuesi zviceran pëlqehet edhe nga Leicester City.
Interesim për talentin me prejardhje nga Kumanova ka shprehur edhe lideri aktual i Serie A, Napoli. Ndërkohë ofertat nuk mungojnë as nga Bundesliga ku ekipet si RB Leipzig, Hoffenheim dhe VFL Wolfsburg gjithashtu e duan.
Vështirë se Luzern mund ta mbajë yllin e tyre, derisa nga shitja e tij synojnë të fitojnë mbi shtatë milionë euro.
(Kosova Sot Online )
