Lexoni edhe:
Pasuria e krijuar nga zyrtarët e lartë publik duke u korruptuar, po i numëron orët e fundit para fillimit për tu konfiskuar
Riaktivizohet Superliga e basketbollit, këto dy ndeshje do të zhvillohen sot
Garat në elitën e basketbollit rikthehen në aksion këtë fundjavë, ku zhvillohet xhiroja e 17-të , transmeton "Kosova Sot Online".
Ndeshja e parë e kësaj xhiro zhvillohet mes Rahovecit dhe Trepçës.
“Vreshtarët” janë në vendin e fundit në renditje me dy fitore e 13 humbje, kurse mitrovicasit janë në vendin e katërt me tetë fitore e tetë humbje.
Këtë të shtunë do të zhvillohet edhe takimi mes skuadrave prizrenase, Bashkimi dhe Ponte Prizreni, por kjo përballje zhvillohet në Therandë, për shkak se, palestra në Prizren është në renovim.
Bashkimi ka gjashtë fitore e dhjetë humbje, kurse Ponte Prizreni ka gjashtë fitore e nëntë humbje.
E shtunë
17:00 Rahoveci – Trepça
19:00 Bashkimi – Ponte Prizreni
Dy ndeshjet tjera të kësaj jave, Peja – Golden Eagle Ylli dhe Sigal Prishtina – Vëllaznimi, do të zhvillohen të dielën.
(Kosova Sot Online )
