Lexoni edhe:
Dështon kompletimi i Barcelonës: U vonuam për 18 sekonda
Xavi i kënaqur me fitoren Barcelonës ndaj Real Betisit
Pas ndeshjes kundër Los Verdiblancos, Barça ka arritur zyrtarisht në gjysmë të sezonit të ligës, pasi ka luajtur tashmë 19 ndeshje. Deri tani, ata kanë grumbulluar 50 pikë dhe kanë pranuar vetëm shtatë gola, përcjell "Kosova Sot Online".
Xavi Hernandez po kërkon të fitojë La Ligën e tij të parë si trajner, pasi ka fituar tetë si lojtar i Barcelonës. Ai ishte i kënaqur me paraqitjen e ekipit të tij në Andaluzi dhe ndjeu se kishte një përmirësim të madh nga fitorja ndaj Gironas të shtunën.
“Jam shumë i kënaqur me lojën. Jemi përmirësuar shumë në krahasim me ndeshjen kundër Gironas. Kemi luajtur një lojë të shkëlqyer”. “Sot ishte çelësi për të mos humbur topin dhe ne e minimizuam atë. Ne dominuam nga fillimi në fund”, ka thënë Xavi pas ndeshjes. Real Madridi mund ta zvogëlojë epërsinë e Barcelonës në pesë pikë nëse mposht Valencian sot (e enjte) mbrëma.
(Kosova Sot Online)
