Lexoni edhe:
Dani Alves po bën gjithçka për ta nxjerr veten nga burgu në liri
Chelsea po përgatitet për gjashtë shitje të mëdha gjatë verës për ti stabilizuar financat
Klubi anglez, Chelsea po planifikon gjashtë shitje të mëdha gjatë afatit kalimtar veror për të balancuar librat financiar pas shpenzimeve të tyre të mëdha, përcjell "Kosova Sot Online".
Sipas The Guardian, deri në gjashtë yje të ekipit të parë mund të shiten në verë për të krijuar hapësirë për më shumë nënshkrime të ekipit të parë.
Ylli maroken, Hakim Ziyech, është në krye të listës. Ish-sulmuesi i Ajaxit dukej se do të largohej nga Stamford Bridge në ditën e fundit të afatit, por pa një lëvizje huazimi te Paris Saint-Germain, duke dështuar në sekondën e fundit. Një lëvizje potenciale mund të rishikohet pas disa muajve. Graham Potter mund të përfshijë vetëm tre transferime të reja të Chelseat në skuadrën e Ligës së Kampionëve
Gjithashtu mund të shitet edhe sulmuesi amerikan, Christian Pulisic. Amerikani nuk i ka përmbushur asnjëherë pritjet në Londrën Perëndimore që nga kalimi nga Borussia Dortmund.
Chelsea gjithashtu mund të joshet për të fituar para nga lojtari i dalë nga akademia Callum Hudson-Odoi. Lojtari aktualisht e gjen veten në mes të një huazimi te Bayer Leverkusen, por nuk ka bërë përshtypje në Bundesligë, kështu që mund të vendoset për një largim të përhershëm dhe Arsenali thuhet se ka një interes.
Pierre-Emerick Aubameyang është ndër tjerët lojtarë që mund të largohen. Ylli nga Gaboni erdhi nga Barcelona vetëm në verë, por ka kaluar një periudhë katastrofike me klubin, kështu që lëvizja e tij do të kishte kuptim për Blutë.
Mesfushori kroat Mateo Kovacic është gjithashtu ndër ata që gjithashtu mund të japin lamtumirën nga Stamford Bridge.
Në fund, Kalidou Koulibaly mund të largohet nga klubi. Senegalezi mbërriti në Londër në verë si një transferim i madh pas një kohe mbresëlënëse me gjigantët italianë, Napoli. Ai deri më tani nuk ka arritur të bindë në Ligën Premier pas një sërë gabimesh, kështu që mund të lëviz shumë shpejt.
(Kosova Sot Online )
