Lexoni edhe:
Një dekadë e gjysmë Kosova e sunduar nga politika e korruptuar dhe autokratike, u izolua ashpër edhe nga bota demokratike
Zbulohet edhe emëri i futbollistit të tretë, pas Dani Alvesit e Robinhos, i cili po akuzohet për sulm sek*sual
Pas ndëshkimeve të anësorve brazilianë, Robinho dhe Dani Alves për abuzime seksuale tashmë një anësor tjetër i botës së futbollit, duket se është në “shënjestrën” e drejtësisë. Më konkretisht bëhet fjalë për anësorin e mbrojtjes së PSG, marokenin Achraf Hakimi, i cili akuzohet për sulm seksual ndaj një 23-vjeçareje, shkruan "Kosova Sot Online".
Në mënyrë të menjëhershme “viktima” ka raportuar sulmin në stacionin e policisë, Créteil Val-de-Marne, por nuk ka ngritur asnjë padi zyrtare ndaj “superyllit”, maroken.
Në bazë të raportimeve të mediave, marokeni dhe “viktima” janë njohur nëpërmjet rrjetit të njohur social, Instagram më 16 janar dhe mbrëmjen e 25 shkurtit, Hakimi fton vajzën në shtëpinë e tij, e cila ndodhet në zonën Boulogne-Billancourt, në periferi të Parisit, raporton abcnews.
Sipas raportimit të vajzës, Hakimi dyshohet se kundër dëshirës së saj ka kërkuar me ngulm të kryejë marrëdhënie seksuale, pavarësisht kërkesave të saj të vazhdueshme për të ndërprerë.
Për policinë franceze, vajza ka thënë se ka arritur të largohet pasi ka goditur me shqelma shqelma futbollistin dhe i ka kërkuar ndihmë një shokut të saj, i cili ka shkuar për ta marrë në vendngjarje.
Ndërkaq, prokurori që po trajton rastin nuk pranoi të jepte informacione shtesë rreth kësaj ngjarjeje.
(Kosova Sot Online )
