Lexoni edhe:
Angazhimi i DEA-s në Shqipëri e zhvesh lakuriq personalitetin dhe pushtetin e rrezikshëm kriminal të Edi Ramës
Serbëve iu pengon mikpritja që ua bënë boshnjakët Kosovës
Kombëtarja e Kosovës në hendboll e përjetoi mbrëmë një mikpritje të ngrohtë në Bosnjë-Hercegovinë, në ndeshjen kualifikuese për Euro 2024, por kjo pritje miqësore ka ngjallur reagiume nacionaliste në Serbi, shkruan "Kosova Sot Online".
Boshnjakët i pritën dhe i përcollën lojtarët tanë me duartrokitje, ndërsa nuk mungoi as një baner i madh shumë domethënëse: “Mirë se vini lojtarët e Kosovës së pavarur”, shkruante në këtë slogan në gjuhën boshnjake.
E ky fakt po iu pengon serbëve.
Mediumi i komshinjve, “Mondo” i vë theks shkronjave të mëdha të banerit: “PAVARUR”, derisa ky medium e fut në thonjëza emrin “Kosova”.
Sipas mediumit në fjalë, as kjo mikpritje e ngrohtë nuk e ndihmoi Kosovën që ta shmangte humbjen, ndërsa i ngacmon edhe boshnjakët, për të cilët shkruan se i kanë regjistruar vetëm dy fitore në këtë ciklus kualifikimesh dhe atë ndaj Kosovës.
Sidoqoftë, fjalët i merr era, ndërsa slogani i shpalosur në Tuzla do të mbetet gjatë në kujtesë, me ç’rast konfirmohet mikpritja e boshnjakëve ndaj Kosovës, ani pse vendi i tyre nuk e ka pranuar ende Kosovën si shtet.
(Kosova Sot Online )
