Lexoni edhe:
Haalandi i lënduar do të mungojë në ndeshjet e marsit
Shkëlqimi i kosovarit Milot Rashica: Dua të qëndroj në Galatasaray dhe të bëhem legjendë
Milot Rashica nuk e ka ndërmend të largohet nga Galatasaray. Ylli kosovar është huazuar në klubin turk për një sezon nga Norwich City, por ai nuk po mendon të rikthehet në Angli, përcjell "Kosova Sot Online".
Futbollisti anësor po shpreson që klubi nga Stambolli ta blejë kartonin e tij, shkruan mediumi turk “fotomac”, përcjell “Kosova Sot Online ".
Madje, përfaqësuesi kosovar e sheh veten duke luajtur në Turqi edhe për një kohë të gjatë dhe të lërë gjurmë në klubin Verdhekuq. “Dua të qëndroj në Galatasaray për disa vite dhe të bëhem njëri prej legjendave të klubit”, thotë futbollisti vushtrrias, i cili shënoi në ndeshje me Konyan. Rashica është duke e kaluar një periudhë të shkëlqyeshme në Galatasaray dhe është bërë lojtar mjaft i rëndësishëm, pas një fillimi të vështirë të cilin e pati.
(Kosova Sot Online )
