Spanjollët raportojnë se Mourinho pritet të jetë trajner i Real Madridit

  • S.A /
  • 22 March 2023 - 09:41
 Spanjollët  raportojnë se Mourinho pritet të jetë trajner i Real Madridit

Real Madridi me shumë gjasë në fund të këtij sezoni do t’i ndajë rrugët me Carlo Ancelottin.Strategu italian është afër të dështojë të mbrojë titullin e La Ligës, derisa është eliminuar nga Superkupa e Spanjës dhe është afër të eliminohet edhe nga Kupa e Mbretit – që të gjitha këto nga duart e rivalit të përjetshëm, Barcelonës, përcjell "Kosova Sot Online".

Gazetari spanjoll Oier Fano Dadebat ka bërë një raportim befasues, duke bërë të ditur se Jose Mourinho ka shanse të mëdha që të rikthehet në Santiago Bernabeu.

Special One dëshiron të largohet nga Roma, pasi këta të fundit nuk po ia plotësojnë kërkesat për transferime, shkaku i buxhetit jo garues me skuadrat tjera.

Pakënaqësitë e tij janë tashmë të ditura dhe sipas Dadebat një rikthim për Mourinhon në Real Madrid është mundësi e madhe.

Ancelotti në anën tjetër pritet të emërohet trajner i Brazilit, ndërsa për këtë ka folur edhe portieri i Selecaot e Manchester Cityt, Ederson

(Kosova Sot Online )