Lexoni edhe:
Pas marrëveshjes së Ohrit Kosova dhe Serbia me shpresa të mëdha të shtensionimit me perspektivë evropiane të anëtarësimit
UEFA Zbulohen gjyqtarët e ndeshjes Izrael – Kosovë
UEFA i ka zbuluar emrat e gjyqtarëve që do ta drejtojnë ndeshjen mes Izraelit dhe Kosovës, e vlefshme për kualifikimet e Euro 2024, shkruan "Kosova Sot Online ".
“Dardanët” do ta nisin kampanjën kualifikuese këtë të shtunë me ndeshjen që do ta luajnë në Tel Aviv, ndërsa më pas, të martën që vjen do ta presin Andorrën në stadiumin “Fadil Vokrri”.
Duelin me izraelitët do ta drejtojnë gjyqtarët skocezë, të prirë nga William Collum, kurse asistentë të tij do të jenë Francis Connor e David Roome, derisa referi i katërt do të jetë Donald Robertson.
Ndeshja mes Izraelit dhe Kosovës do të fillojë në orën 18:00.
Verdhekaltrit synojnë ta nisin sa më mbarë fazën kualifikuese të Euro 2024 dhe ata nuk e kanë fshehur objektivin për t’u kualifikuar në Evropianin e vitit të ardhshëm.
(Kosova Sot Online )
