Lexoni edhe:
Policia e Kosovës urgjentisht duhet pastruar nga shkelësit e ligjit, 98 polic arrestuar për keqpërdorimi të detyrës e vepra lajm për tu shqetësuar nga rritja e ndikimit të krimit të organizuar
Për shkak të situatës së keqe financiare në klubin e futbollit Barcelona, edhe ekipet e basketbollit dhe hendbollit të gjigantit katalanas do të pësojnë.Siç raporton RAC1, drejtuesit e Barcelonës, të udhëhequr nga presidenti Joan Laporta, kanë vendosur të shkurtojnë buxhetin edhe për basketbollin, hendbollin, futsalin dhe hokejin, transmeton "Kosova Sot Online ".
Masat e kursimit kanë për qëllim kryesisht uljen e pagave dhe shpenzimeve të udhëtimit dhe Barcelona planifikon të kursejë 15 milionë euro në tre vitet e ardhshme.
Ekipet e futbollit të meshkujve dhe femrave praktikisht as nuk do ta ndiejnë uljen e buxhetit, por klubi i hendbollit Barcelona do të pësojë më keq. Luka Cindrić dhe Ludovic Fabregas do të largohen nga klubi për shkak të shkurtimeve drastike të buxhetit dhe tashmë është anuluar transferimi i rënë dakord i Artsem Karalek nga Kielce. Po ashtu edhe klubi i basketbollit Barcelona do të pësojë ndryshime në staf lojërash dhe pritet të largohen disa basketbollistë të rëndësishëm në këtë sezon.
(Kosova Sot Online )