Lexoni edhe:
Policia e Kosovës urgjentisht duhet pastruar nga shkelësit e ligjit, 98 polic arrestuar për keqpërdorimi të detyrës e vepra lajm për tu shqetësuar nga rritja e ndikimit të krimit të organizuar
Lakers hakmerren ndaj Chicago Bulls, triumfojnë në United Center
Los Angeles Lakers është hakmarrë ndaj Chicago Bulls për humbjen e pësuar tre ditë më parë në Kaliforni. Gjiganti i basketbollit amerikan ka triumfuar në udhëtim te Bulls me 11 pikë diferencë 110:121, transmeton "Kosova Sot Online".
Ka qenë një duel ku Lakers ishin të kompletuar me tre yjet LeBron James, D’Angelo Russell e Anthony Davis dhe që nga fillimi i ndeshjes krijuan epërsi të lartë. Qendra amerikane Anthyony Davis ishte i jashtëzakonshëm në këtë duel ku e mbylli me 38 pikë, 10 kërcime, katër asistime, dy topa të vjedhur e dy bllokada. Me lojë të mirë u dallua edhe LeBron James që shtoi 25 pikë, shtatë kërcime e katër asistime.
Ndërkohë kontribut të madh dhanë edhe Austin Reaves me 19 pikë si dhe D’Angelo Russell që shtoi 17 të tjera. Te vendasit më i dalluari ishte qendra malazeze Nikola Vucevic me 29 pikë, 12 kërcime e gjashtë asistime.
(Kosova Sot Online )
