Lexoni edhe:
Amerika e ka zbuluar, Edi Rama është fund e krye i politikan i inkriminuar!
Real Madridi në garë për transferimin e yllit të Benficas Goncalo Ramos
Real Madridi raportohet se ka “kthyer sytë” kah ylli i Benficas, Goncalo Ramos. Gjiganti spanjoll po planifikon disa ndryshime për sezonin e ardhshëm duke sjellë futbollistë të rinj, marrë parasysh se shumë prej veteranëve të skuadrës po shkojnë drejt skadimit të kontratës, transmeton "Kosova Sot Online".
Në mesin e lojtarëve që përballen me një të ardhme të pasigurt është edhe kapiteni, Karim Benzema.
Francezit i skadon kontrata në fund të këtij sezoni, teksa ende nuk ka ndonjë marrëveshje rinovimi mes palëve.
Klubi besohet se dëshiron të mbajë 35-vjeçarin, por shqetësimet e tij rreth lëndimeve dhe mosha, mund të jenë faktorë që të ndikojnë në largimin e tij. “Los Blancos” ende synojnë të nënshkruajnë me Kylian Mbappen, por deri atëherë, sipas “AS”, klubi nga Madridi mund të bëjë një zgjedhje tjetër duke u përforcuar me Ramosin.
Për 21-vjeçarin interesim thuhet se ka shprehur edhe Manchester Unitedi. Reprezentuesi portugez me Benfican ka kontratë të vlefshme deri në verën e vitit 2026, por ai ka një klauzolë të largimit prej 120 milionë eurosh.
Deri më tani në këtë sezon, Goncalo Ramos ka shënuar 24 gola dhe ka kontribuar me 10 asistime në 36 paraqitje në të gjitha garat.
(Kosova Sot Online )
