Lexoni edhe:
Edhe shqiptarët e Luginës së Preshevës duhet ndihmuar ti fitojnë të drejtat kushtetuese që Serbia është duke jua mohuar
Henry dëshiron ta shoh Messin duke luajtur në një tjetër skuadër evropiane
Lionel Messi është këshilluar të largohet nga Paris Saint-Germain dhe t’i bashkohet Barcelonës këtë verë, nga ish-bashkëlojtari i tij, Thierry Henry, transmeton "Kosova Sot Online".
Hapi i ardhshëm i argjentinasit është një pikë e madhe diskutimi në Paris, me spekulime të vazhdueshme nëse ai do të qëndrojë në Francë këtë verë. PSG ka deklaruar vazhdimisht dëshirën e tyre për të mbajtur Messin në Parc des Princes dhe për të aktivizuar opsionin e tij të zgjatjes 12-mujore në klub, pavarësisht se Barcelona ka hapur bisedimet me kampin e 35-vjeçarit.
Henry u pyet në lidhje me pikëpamjen e tij mbi situatën, si pjesë e rolit të tij si ekspert për të analizuar ndeshjes mes PSG-së dhe Lyonit, dhe ish-reprezentuesi francez pretendoi se Messi po synohet padrejtësisht nga tifozët e parisienëve që e vërshëllyen edhe në këtë takim. “Është e turpshme të dëgjosh fishkëllima nga Parc des Princes. Nuk mund të fishkëllesh një nga lojtarët më të mirë të ekipit, i cili ka 13 gola dhe 13 asistime këtë sezon”, ka deklaruar ai. “Personalisht, do të doja ta shihja atë të përfundojë karrierën e tij te Barcelona, në Evropë”. “Pas kësaj, nuk e di se çfarë do të bëjë. Sepse mënyra se si ai u largua nga Barcelona pas gjithçkaje që bëri… nuk më pëlqeu shumë”. “Për dashurinë e futbollit, ai duhet të kthehet te Barcelona”, ka shtuar më tej Henry. Messi do të presë deri në fund të sezonit për të marrë një vendim për të ardhmen e tij.
(Kosova Sot Online )
