Lexoni edhe:
Zhegrova përkrah Messit në sulm në ekipin ideal të javës në Ligue 1
Skitarja austriake Sophie Sorschag e merr nënshtetësinë e Kosovës, premton suksese në sportin e bardhë
Skitarja austriake, Sophie Sorchag është bërë edhe zyrtarisht një sportiste kosovare, transmeton "Kosova Sot Online".
24 vjeçarja u prezantua sot edhe zyrtarisht nga kryetari i Komitetit Olimpik të Kosovës, Ismet Krasniqi, në një konferencë për shtyp, ku u bë e ditur se skitarja e njohur është pajisur me pasaportë të Kosovës.
Në janar të këtij viti, skitarja austriake vendosi ta përfaqësojë Kosovën në garat ndërkombëtare, ndërsa prej sot e tutje mund ta bëjë këtë edhe zyrtarisht.
Krasniqi i uroi mirëseardhje garueses së kërcimeve me ski, duke shtuar se është nder për vendin tonë që një garuese e tillë ka pranuar ta përfaqësojë Kosovën.
Ai madje nuk e fshehu faktin se pret që Kosova të fitojë medalje në Olimpiadën Dimërore me garuesen austriake. Ndërkaq, Sorchag po ashtu e shprehur privilegjin dhe nderin që e ka për ta përfaqësuar Kosovën, ndërsa premtoi se do ta japë maksimumin për t’i sjell Kosovës suksese. Duhet cekur se Sorchag ishte shpallur kampione e botës në nivelin ekipor me Austrinë në vitin 2021, ndërsa ishte pjesëmarrëse edhe në Lojërat Olimpike Dimërore “Pekini 2022”.
(Kosova Sot Online )
