Lexoni edhe:
Fitore e vështirë e Milanit në ndeshjen e parë çerekfinale ndaj Napolit
Frank Lampard ende ka shpresë për kualifikimin e Real Madridit
Frank Lampard nuk është dorëzuar ende, përkundër humbjes së mbrëmshme nga Real Madridi në ndeshjen e parë çerekfinale të Ligës së Kampionëve, transmeton "Kosova Sot Online ".
“Los Blancos” triumfuan në “Santiago Bernabeu” me rezultat 2:0 dhe e bënë një hap përpara drejt gjysmëfinales. Sidoqoftë, atyre u duhet ta kalojnë edhe një pengesë, atë në “Stamford Bridge” javën tjetër.
E trajneri i “Blues” beson se londinezët mund ta përmbysin rezultatin në shtëpi.
“Jam krenar me atë që e kemi bërë më 10 lojtarë. Aspekt zhgënjyer ishte t’ua mundësonim atyre që ta bëjnë lojën e tyre me ndërprerje, prej së cilës e shënuan edhe golin e dytë”, deklaroi fillimisht trajneri anglez pas lojës për “BT Sport”.
“Ka një mungesë të vetëbesimit, por lojtarët duhet ta kuptojnë se sa të mirë janë dhe se çka janë në gjendje të bëjnë. Kjo po na kushton për momentin”, vazhdoi ai.
“Iu kam thënë djelmoshave të mi se në ‘Stamford Bridge’ mund të ndodhin gjëra speciale. Real Madridi e ka një skuadër të shkëlqyeshme, por ne duhet të besojmë. Nevojitet ta rrisim nivelin, duhet ta kuptojmë se na duhet një pozitivitet mental”, shtoi Lampard.
(Kosova Sot Online )
