Lexoni edhe:
Kosova është gati për ndeshjen me Malin e Zi
Policia arreston dy persona, dyshohen për dhunë në ndeshjen e hendbollit mes Vushtrrisë dhe Trepçës
Policia e Kosovës ka konfirmuar me anë të një komunikate se ka identifikuar dhe arrestuar dy persona të dyshuar me rastin e dhunës në ndeshjen e hendbollit mes Vushtrrisë dhe Trepçës të zhvilluar të dielën e kaluar. Skena të pahijshme dhe aspak të pritura u panë fundjavën e fundit në palestrën e sporteve në Vushtrri, ku tifozët dhe lojtarët vendas sulmuan lojtarët e ekipit mitrovicas, transmeton "Kosova Sot Online".
Shkaku i grushteve, tollovisë së shkaktuar dhe pa sigurisë së ekipit të Trepçës, ndeshja u ndërpre në minutën e 34 e 42 sekonda, ku mysafirët ishin duke udhëhequr 21:17.
Rasti i ndodhur në Vushtrri ka bërë që organet kompetente të merren seriozisht me çështjen dhe tashmë kemi veprimin e parë. Lexo po ashtuDhunë në hendboll: Lojtarët e Trepçës sulmohen në Vushtrri nga kundërshtarët dhe tifozët vendas. Është Policia e Kosovës e cila ka konfirmuar se ka identifikuar dhe arrestuar dy meshkuj kosovarë si të dyshuar lidhur me rastin. Megjithatë, të njëjtin janë liruar në procedurë të rregullt pas intervistës dhe me vendim të prokurorit.
Komunikata e Policisë:
Vushtrri 22.04.2023 – 18:00. Lidhur me incidentin që kishte ndodhur gjatë një ndeshje pas hetimeve të zhvilluara janë identifikuar dhe arrestuar dy meshkuj kosovarë si të dyshuar lidhur me rastin. Të njëjtit janë intervistuar dhe me vendim të prokurorit janë liruar në procedurë të rregullt.
(Kosova Sot Online )
