Lexoni edhe:
Serbia përmes përfaqësuesve të saj në pushtet, po kërcënojnë më luftë kundër shpërbërjes së strukturave paralele e kriminale në veri të Kosovës
Infantino vjen me lajmin e keq: Botërori i femrave mund të mos transmetohet në Evropë
Të hënën, Gianni Infantino, president i FIFA-s, paralajmëroi Francën, Gjermaninë, Italinë, Spanjën dhe Anglinë se ofertat për të drejtat televizive të Kupës së Botës për Femra 2023 (20 korrik-20 gusht) janë zhgënjyese. Për këtë arsye ai kërcënon se nuk do të japë të drejta transmetimi në Evropë, transmeton "Kosova Sot Online "
“Ofertat nga transmetuesit, kryesisht ato të “Big 5” evropian (Francë, Gjermani, Itali, Spanjë, Angli), janë gjithmonë shumë zhgënjyese dhe thjesht të papranueshme”, tha presidenti i FIFA-s, i cili parashtroi disa argumente.
“Së pari, 100% e të drejtave janë të destinuara për futbollin e femrave.
Së dyti, transmetuesit publikë në veçanti kanë për detyrë të promovojnë dhe investojnë në sportin e grave.
Së treti, audienca për Kupën e Botës për femra është rreth 50-60% e atyre për Kupën e Botës për meshkuj. E megjithatë, ofertat e transmetuesve janë 20 deri në 100 herë më të ulëta.
Kohët e fundit, ku transmetuesit ofrojnë 100 deri në 200 milionë dollarë për Kupën e Botës për meshkuj, ata ofrojnë vetëm 1 deri në 10 milionë dollarë për femrat”, theksoi ai.
Gianni Infantino njihet si një mbrojtës i madh i kauzës së futbollit të femrave, derisa ka lëshuar një paralajmërim ndaj transmetuesve publikë që nëse ofertat nuk rriten, nuk do t’iu jepet e drejta e transmetimit.
“Për të qenë shumë i qartë, është detyrim moral dhe ligjor të mos nënvlerësohet ky Botëror. Nëse ofertat vazhdojnë të jenë të padrejta, do të detyrohemi të mos transmetojmë Kupën e Botës për femra në këto 5 vendet e mëdha evropiane”, tha në fund kreu i FIFA-s.
(Kosova Sot Online )
