Lexoni edhe:
Ish-ambasadori Bosch: Lista Serbe iu bën presion serbëve në veri që të mos bashkëpunojnë me Kosovën
Distria Krasniqi është dominuese e botës së xhudos. Garuesja kosovare e sheh veten me më së shumti pikë nga krejt kategoritë e femrave në sportin e xhudos, në ranglistën e publikuar sot nga Federata Ndërkombëtare e Xhudos, transmeton "Kosova Sot Online".
Xhudistja pejane i ka 8280 pikë, më shumë se çdo garuese tjetër, ndërsa ndiqet nga japonezja Saki Niizoe.
E në vendin e tretë, po ashtu në një kategori tjetër, gjendet francezja Romane Dicko.
Këtë sukses të medalistes olimpike më parë e kishte arritur vetëm kampionia tjetër olimpike kosovar, Majlinda Kelmendi.
“Disi” së fundmi e fitoi medaljen e argjendtë në Masters, e cila ia mundësoi ta përforcojë pozitën e parë në kategorinë e saj deri në 52 kilogramë.
Përparim në renditjen botërore pati Laura Fazliu, e cila e fitoi medaljen e artë së fundmi dhe u ngrit në vendin e parë në kategorinë e saj. Edhe Akil Gjakova pati ngritje në renditje. E rënie pati Nora Gjakova, e cila dështoi në turneun e fundit të xhudos.
(Kosova Sot Online )