“Të uritur për 3 pikët” – Zvicra paralajmëron Kosovën me një video ku shfaqen Xhaka e Shaqiri

Kombëtarja e Kosovës do të zhvillojë sonte ndeshjen ndaj Zvicrës, në kuadër të kualifikimeve për Kampionatin Evropian “Euro 2024”. Ndeshja do të zhvillohet në stadiumin “Fadil Vokrri”, me fillim prej orës 20:45, transmeton "Kosova Sot Online ".

Si para çdo ndeshje tjetër, nga faqja zyrtare e Zvicrës në “Twitter” është bërë një paralajmërim për përballjen me “Dardanët”.

Lexoni edhe:

Fluturon çmimi për biletat e ndeshjes së sontme Kosova Zvicra, deri në në 500 tregun e zi

Në videon e publikuar janë shfaqur edhe dy futbollistët nga Kosova, Granit Xhaka e Xherdan Shaqiri.

Në fundin e kësaj video thuhet: “Të uritur për 3 pikët”. Kujtojmë se sonte do të jetë përballja e parë zyrtare mes Kosovës dhe Zvicrës.

Kosova është e pesta dhe e parafundit në Grupin I me 3 pikë, aq sa ka edhe Bjellorusia një pozitë më lartë.

Në këtë grup prin Zvicra me 10 pikë, e ndjekur nga Rumania me 8 sosh. Izraeli është i treti me 7 pikë. Andorra është e fundit me vetëm 1 pikë.

(Kosova Sot Online )