Lexoni edhe:
Kjo është skandaloze, marrëveshjet e ndërmjetësuara nga BE-ja me Serbinë, të pafavorshme për Kosovën
Andre Onana e merr përgjegjësinë për humbjen nga Bayerni
Andre Onana e ka marrë përgjegjësinë për humbjen e mbrëmshme të Manchester Unitedit nga Bayern Munichu. Portieri i “Djajve të Kuq” e bëri një gabim trashanik tek goli i parë i gjigantit bavarez, të cilin e realizoi Leroy Sane,transmeton "Kosova Sot Online ".
“Ne po shkonim mjaft mirë. Por, pas gabimit tim ne e humbëm kontrollin e lojës. Unë jam ai që e rrëzova ekipin përtokë. Natyrisht, është faji im”, deklaroi fillimisht ish-portieri i Ajaxit dhe i Interit.
“Është përgjegjësi e imja, për fajin tim ne nuk fituam . Unë duhet të mësoj nga kjo, për të tashmen dhe për të ardhmen”, vazhdoi ai.
“Kam shumë gjëra për t’i shfaqur, sepse, të jem i sinqertë, fillimi im në Manchester United nuk është dhe aq i mirë deri tash”, përfundoi Onana.
Bayerni fitoi në fund me rezultat 4:3, ndërsa portieri afrikan ishte fytyra tragjike e lojës.
(Kosova Sot Online )
