Lexoni edhe:
Kosova në prag të vendimit të madh për shtetin, zgjidhje unike politike për marrëveshje me Serbinë, ose zgjedhje për rikonfirmim të besimit qytetar kujt do të ja beson pushtetin
Adnan Januzaj në janar pritet të rikthehet në Ligën Premier
Adnan Januzaj ka mbetur te Sevilla përkundër se nuk bënë pjesë në planet e klubit spanjoll, transmeton "Kosova Sot Online".
Sulmuesi kosovar me pasaportë belge gjashtë muajt e fundit i kaloi te Istanbul Basaksehir në Turqi.
Në afatin kalimtar veror kishte disa oferta për Januzajn, edhe nga Turqia, por edhe nga Arabia Saudite, megjithatë transferimi nuk u kompletua dhe ai mbeti te Sevilla.
Lexo po ashtuNuk është në planet e Sevillës, Januzaj po rikthehet në Turqi
28-vjeçari nuk ka luajtur asnjë minutë këtë sezon me fanellën e klubit spanjoll dhe largimi i tij në dimër është i pashmangshëm.
‘Football Transfers’ ka raportuar se Everton po shikon mundësinë të nënshkruajë me Januzajn në janar, pasi drejtuesit e klubit anglez kanë pasur kontakte me përfaqësuesit e lojtarit.
Për Januzaj transferimi te Evertoni do të jetë një hap i madh për ta rikthyer karrierën e tij në binarë pas një viti të tmerrshëm. Nga shtatë ndeshje zyrtare që Sevilla ka zhvilluar këtë edicion, Januzaj nuk është paraqitur në asnjërën prej tyre, derisa vetëm në sfidën ndaj Las Palmas qëndroi në bankën rezervë.
(Kosova Sot Online )
