Tifozët malazezë përplasen fyt për fyt me policinë serbe në mes të Beogradit

Gjatë ndeshjes mes Serbisë dhe Malit të Zi, që u zhvillua sonte në Beograd, pati tensione mes tifozëve.

Sipas raportimeve, tensionimi i situatës erdhi pasi një tifoz serb ua vodhi transparentin tifozëve malazezë, transmeton Kosova Sot Online ".

Mediumi serb “telegraf.rs” shkroi se një tifoz, që ishte i veshur si roje sigurie, ua vodhi transparentin tifozëve mysafirë.

Lexoni edhe:

Xhaka pranon se ndaj Kosovës është ndeshje e veçantë

Kjo nxiti pastaj malazezët që të mësynë drejt tifozëve serbë për përballje fizike.

Megjithatë, tifozët që kishin udhëtuar nga Mali i Zi hasën në rezistencë të policisë, me të cilët pastaj patën përplasje. Siç dihet, në botën e tifozëve konsiderohet e papranueshme marrja e transparentit. Sipas rregullave të “ultrasve”, nëse një gjë e tillë ndodhë, atëherë ai tifo-grup konsiderohet i shuar.

(Kosova Sot Online )