Lexoni edhe:
“E mirëpres statusin e kandidatin për Bosnjën e Gjeorgjinë, por s’është e drejtë të mos njihet çka ka bërë Kosova”
Konfirmohet mungesa e Muriqit në përballjet me Zvicrën e Bjellorusinë
Kombëtarja e Kosovës do të jetë jashtëzakonisht e hendikepuar në dy ndeshjet e fundit kualifikuese për Euro 2024. Pas Amir Rrahmanit e Edon Zhegrovës, Vedat Muriqi do të jetë mungesa tjetër e madhe e “Dardanëve” për duelet ndaj Zvicrës e Bjellorusisë, transmeton "Kosova Sot Online "
Pas ekzaminimeve të fundit u zbulua shkalla e lëndimit të sulmuesit shtatlartë, i cili pësoi tërheqje muskulore në ndeshjen e fundit ndaj Izraelit.
Dhe, sipas mediave spanjolle, “Pirati” i Mallorcës do të mungojë 4-6 javë.
Kështu, krahas dy ndeshjeve me Kosovën, Muriqi s’do të jetë në dispozicion as në ndeshjet e ekipit spanjoll kundër Atletico Madridit, Alavesit, Sevillës dhe Cadizit. Kosova do të luajë me Zvicrën në Basel këtë të shtunë, kurse të martën që vjen do ta mbyllë në Prishtinë kampanjën kualifikuese të Evropianit me duelin ndaj Bjellorusisë.
(Kosova Sot Online )
