Lexoni edhe:
Motoçiklistët kosovarë tregohen të suksesshëm në Tiranë
Feronikeli ’74 rikthehet te fitoret, merr tre pikë të mëdha përballë Lirisë
Feronikeli ’74 është rikthyer te fitoret në kampionat, pasi ka mposhtur Lirinë me rezultat 2-1, transmeton "Kosova Sot Online ".
Ka qenë një pjesë e parë më e qetë, ku dy skuadrat krijuan disa raste, por pa parë gola. Ndeshja u zhvillua në stadiumin me bari sintetik në Gjilan, derisa 45 minutat e para përfunduan baras 0-0.
Alban Shillova kaloi vendasit në epërsi me të filluar pjesa e dytë për 1-0.
Gjithsesi kapiteni i Lirisë, Topalaj barazoi shifrat në 1-1 kur kaluan një orë lojë.
Për tre pikët e Feronikelit ’74, u përkujdes Fiton Hajdari që realizoi në minutën e 86-të me kokë për 2-1.
Me këto tre pikë të fituara, Feronikeli ’74 ngritët në pozitën e shtatë me 15 pikë, derisa Liria mbetet e fundit me vetëm nëntë pikë. Ndeshjen e ardhshme Feronikeli ’74 luan në udhëtim te Drita, derisa Liria para adhuruesve të vet pret Gjilanin.
(Kosova Sot Online )
