Lexoni edhe:
Hovenier priti në ambasadë basketbollistët dhe basketbollistet nga ShBA
Interi s’heq dorë nga Zielinski, zbulohet se sa do t’i kushtonte nënshkrimi me të
Sipas raportimeve të ditëve të fundit, Interi ka qenë në kontakt me përfaqësuesit e Piotr Zielinskit dhe është informuar për koston e përafërt për të nënshkruar me polakun si lojtar i lirë në verë, transmeton "Kosova Sot Online".
Edhe pse ende një figurë e rëndësishme në formacionin e Napolit, mesfushori mund të ndryshojë ambient pas përfundimit të sezonit.
Kontrata e tij me kampionët e Italisë skadon në verë, teksa nuk ka ende ndonjë marrëveshje për zgjatje të bashkëpunimit.
Interi ishte në bisedime me përfaqësuesit Zielinskit disa muaj më parë për të sqaruar situatën e tij kontraktuale në atë kohë.
Sipas “Calciomercato”, “Nerazzurrët” kanë bërë kontakte sërish në kohët e fundit dhe kanë dalë me disa informacione mbi koston që do të duhej për të sjellë 29-vjeçarin në “Guiseppe Meazza”.
Interi thuhet se do të duhet të paguajë një bonus nënshkrimi prej 4-5 milionë eurosh, si dhe do të duhet të ofrojë një pagë prej 8 milionë eurosh.
Kostoja totale e operacionit nëse Zielinski do të nënshkruante hipotetikisht një kontratë katër-vjeçare me klubin nga Milano, do të arrinte një shumë prej rreth 37 milionë eurosh.
(Kosova Sot Online )
