Lexoni edhe:
Alaba ka këputur ligamentin e gjurit, humbet pjesën e mbetur të sezonit
Mërgim Vojvoda: Tek Kosova jemi 20 super-lojtarë, mund të kualifikohemi në një ngjarje të madh
Vojvoda i cili luan si mbrojtës krahu tek Torino, këtë fundjavë zhvilloi paraqitjen e 100-të me klubin “ Granata” ku diskutoi lidhur me këtë moment individual, qëllimet që Torino ka për këtë edicion si dhe gjithashtu për përfaqësuesen e Kosovës dhe se kush duhet të jetë drejtuesi i ardhshëm sipas tij, transmeton "Kosova Sot Online".
“Është krenari, kur kam ardhur fillimi nuk ka qenë i lehtë, mendoj se nuk është diçka e vogël dhe jam shumë krenar, gjithmonë kam pasur dëshirë të kem një fanellë me numrin 100 për të simbolizuar paraqitjet e mia për një skuadër, " ka thënë Vojvoda.
Ai kja treguar edhe se si kanë qenë për skuadrën dhe ate këto tri vitet e fundit.
“Besoj se në tre vitet e fundit kemi bërë shumë si skuadër dhe vetë shoh dallimin edhe tek vetja, në fillim e kisha të vështirë të adaptohesha por më pas ia dola, kur je më i ri janë disa gjëra të cilat nuk i ke parasysh por në të ardhmen i kupton më mirë, por mendoj që këto tre vite më kanë ndihmuar shumë, kam përfituar përvojë dhe siguri.”
Vojvoda foli edhe për Torinon që po kalon një moment të vështirë dhe synimin e kualifikimit në Evropë.
“Ai është qëllimi kryesor shpresoj që të jemi edhe më lartë të arrijmë Evropën, Duvan Zapata na ka ndihmuar shumë që nga kur erdhi nga Atalanta.”
Ka pritje optimiste edhe për Kosovën.
“Ne presim që të ketë ndryshime dhe ne e dimë kualitetin që kemi, ne kemi kualitetin që të kualifikohemi por kemi parë që vetëm talenti nuk mjafton për tu kualifikuar, ne duhet të mësojmë nga përfaqësuese si Maroku. Ne kemi më shumë se vetëm 11 lojtarë të cilët mund të na ndihmojnë që ndoshta të kualifikohemi për kampionatin botëror. Normalisht, do të thotë shumë trajneri se kush do të jetë, por mendoj sa duhet struktura dhe disiplina e skajshme. Ne kemi shumë cilësi brenda grupit, ngase nuk jemi vetëm 11 lojtarë por 20 super lojtarë ”, potencoi Vojvoda.
(Kosova Sot Online )
