Lexoni edhe:
Policia gjermane kap në flagrancë “skifterin” shqiptar, arratiset shoku i tij
A po shkon Mbappe në Arabi? Deklarohet menaxheri i Ligës Pro Saudite
E ardhmja e Kylian Mbappes mbetet sekreti më i ruajtur në botën e futbollit. Një eliminim i mundshëm nga Liga e Kampionëve mund të kishte shkaktuar një sërë ngjarjesh që do të ndihmonin në sqarimin e tij, por PSG do të jetë në raundin e 16-të, transmeton "Kosova Sot Online ".
Sulmuesi francez nuk po kalon momentin e tij më të mirë në kryeqytetin francez. Largimi i tij pas fishkëllimës së fundit kundër Dortmundit dhe mosmarrëveshjet e tij me disa persona nga stafi menaxhues për të mos kërkuar golin e dytë janë vetëm një episod më shumë i sulmuesit francez në muajt e fundit.
Në verë u hapën shumë rrugë për largimin e tij. Arabia Saudite ka vënë shumë bast për transferimin e francezit dhe tani këtë e konfirmon drejtori i Ligës Pro Saudite.
“Me Mbappe biseda është e hapur, por ne nuk e dimë se çfarë dëshiron të bëjë. Pozicioni ynë është shumë i qartë: i gjithë ky nivel lojtarësh e dimë se ku duam të jemi”, Michael Emenalo tha për shanset e Kylian për t’u bashkuar me ndonjë klub arab.
“Nëse ka ndonjë mundësi apo interes që Mbappe të jetë pjesë e asaj që po ndërtojmë, tani ose në të ardhmen, ne nuk mund ta refuzojë këtë mundësi. Ai është një lojtar që e duam”, shpjegoi menaxheri i ligës saudite.
Oferta e paraqitur nga Al-Ittihad këtë verë të kaluar ishte rreth 200 milionë neto në sezon për lojtarin dhe një shumë e ngjashme për klubin e tij e origjinës, PSG.
Emenalo ka konfirmuar gjithashtu se negociatat me lojtarin ishin të vërteta dhe se ylli i ‘Les Bleus’ dëgjoi kushtet që i propozuan: “Nuk mund të them sa thellë shkoi biseda. Por, kishte një interes që nëse futbollisti ishte gati të vinte, kishte një klub gati ta priste dhe t’i hapte vend në skuadrën e tyre”.
(Kosova Sot Online )
