Lexoni edhe:
Xavi i mllefosur kapet ashpër me lojtarët e Barçës, i qorton ata!
Reali planifikon ta rikthejë Varanen në janar
Real Madridi po planifikon ta rikthejë qendërmbrojtësin Raphael Varane nga Manchester United. Madje, “Los Blancos” duan ta ri-transferojnë futbollistin francez qysh në afatin kalimtar të janarit. Kështu shkruan mediumi gjerman “Bild”, transmeton "Kosova Sot Online ".
Përfaqësuesi francez ishte larguar nga Madridi në vitin 2021 për t’iu bashkuar “Djajve të Kuq” për 50 milionë euro.
Por, trajneri Carlo Ancelotti ka nevojë për një qendërmbrojtës kualitativ pas lëndimit të fundit të David Alabas, i cili pritet të mungojë për një kohë të gjatë.
Aktualisht, me austriakun jashtë fushës së blertë, trajneri italian i ka në dispozicion vetëm qendërmbrojtësit Antonio Rudiger dhe Nacho Fernandez.
Andaj, presidenti Florentino Perez ka nisur të punojë për ta sjell në Madrid një mbrojtës stabil për pjesën e dytë të sezonit.
(Kosova Sot Online )
