Lexoni edhe:
Klubet e mëdha angleze pas Nicolo Barella
Duka për TKZ: Frymëzim dhe motivim për Kombëtaren, krenarë çdo herë me ta
“Tifozat Kuq e Zi” sot po e festojnë 20-vjetorin e themelimit si tifo-grup.Me këtë rast, tifozët kanë pranuar edhe një mesazh urimi nga presidenti i Federatës Shqiptare të Futbollit (FSHF), Armand Duka, transmeton "Kosova Sot Online".
Presidenti Duka vlerësoi kontributin e TKZ, duke theksuar mes tjerash se ata kanë frymëzuar e motivuar djemtë e Kombëtares për rezultatin e arritur.
Mesazhi i Dukës për TKZ:
“Ky fundvit, përveçse kulmoi me kualifikimin historik të Kombëtares shqiptare për në finalet Euro 2024, sjell edhe një tjetër moment të rëndësishëm. Grupimi “Tifozat Kuq e Zi” feston 20-vjetorin e themelimit. Bëhet fjalë për ata që janë prej dy dekadash, lojtari i 12-të i Kombëtares.
Nuk kanë munguar kurrë në apel. Kanë qenë gjithmonë aty. Në të mirë e në të keq, në shtëpi apo në transfertë, Tifozat Kuq e Zi kanë mbështetur pa asnjë kursim Kombëtaren shqiptare. Ata pa u lodhur, kanë frymëzuar e motivuar djemtë e skuadrës tonë të zemrës pa pushim.
Janë kthyer në një simbol e mbështetje e madhe për Kombëtaren, duke u bërë një pjesë e pandashme e saj dhe e pazëvendësueshme e saj. Na kanë bërë krenarë çdo herë dhe në çdo ndeshje, duke qenë një burim force për ekipin, por edhe për të gjithë të tjerët.
Në këtë përvjetor të veçantë, i uroj TKZ-së edhe 100 vite të tjera në këtë mision kaq të bukur dhe të pazëvendësueshëm. Uroj të vazhdojnë ta mbështesin Kombëtaren edhe më shumë në të ardhmen, duke valëvitur gjithmonë lart flamurin shqiptar në çdo stadium të botës dhe duke kënduar “O sa mirë me qenë shqiptar”.
Gëzuar përvjetorin. Faleminderit!”.
(Kosova Sot Online )
