Lexoni edhe:
Unë mbështes VETTING-un edhe në politikë, për ta pastruar politikën
Skiatorja “shqiptare” renditet e nënta në Kupën e Botës në Austri: Jam e kënaqur, do të fokusohem në garën e ardhshme
Nën dritat e projektorëve në pistën austriake të Flachaut, Lara Colturi shkruan historinë duke u futur për herë të parë në Top 10 në një garë të Kupës së Botës për të rritua edhe pse në një moshë fare të re, transmeton "Kosova Sot Online ".
Është një rezultat historik për skiatoren kuq e zi dhe një gur kilometrik për skitë shqiptare. Lara Colturi u rendit e 9-ta dhe arriti kohën më të mirë në lëshimin e dytë duke lënë pas edhe emrat më të mëdhenj në botë në skinë e femrave si Shiffrin apo Vlohva.
Skiatorja italiane që garon për Shqipërinë u nis nga vendi I 60-të dhe bëri një sprint fantastik prej jashtëtokësoreje kjo për t’u futur mes 10 më të mirave të kësaj etape të Kupës së Botës. Me këtë rezultat Lara konsolidon Top 30-n në renditjen e përgjithshme në disiplinën e sllallomit. Ndalesa e radhës për 17 vjeçaren do të jetë në Jasna të Sllovakisë më datë 20-21 Janar me dy disiplina në Gjigand dhe në Sllallom.
Pas përfundimit të garës së mbrëmjes së shkuar në Auastri lara Kolturi tregon emocionet e sajë për këtë arritje, raporton tch.
“Jam shumë e kënaqur për këtë mbrëmje, më në fund arrita që të sjell në një garë të tillë emocionet dhe rezultatet që bëj në stërvitje, u përpoqa që të shtyjë në maksimum në lëshimin e parë duke u përpjekur që të renditem mes 30 të parave. Më pas në të dytin u mundova ta shijoj dhe të jap më të mirën time. Nuk di se farë të them më tepër jam shumë I kënaqur. Tani do të fokusohem në garën e ardhshme”, tha Lara Colturi.
(Kosova Sot Online )
