Lexoni edhe:
Ripushtimi ose ndarja e Kosovës, ky është qëllimi kriminal i Aleksandër Vuçiqit
Xavi shpërthen ashpër pas barazimit me Granadan, tregon edhe fjalët që ia tha Laporta
Barcelona nuk ka arritur më shumë se një barazim në përballje me Granadan, ndeshja e cila përfundoi baras 3-3.
Ishin katalunasit që krijuan të parët epërsinë, por në fund nuk arritën më shumë se një pikë dhe kjo ia ka vështirësuar gjasat për titull, transmeton "Kosova Sot Online ".
Trajneri i Barcelonës, Xavi Hernandez ka thënë se nuk arritën ta mbyllnin ndeshjen përkundër mundësive që patën.
“Humbëm dy pikë, kishim një mundësi të mirë për ta shkurtuar diferencën. Granada ka bërë një lojë inteligjente, ushtroi presion dhe fitoi duelet. Ne kemi pasur shumë momente për ta mbyllur ndeshjen, nëse do të shënonim 2-0, loja do të kishte mbaruar”.
“Është e vështirë, sot edhe më e vështirë. Diferenca është e madhe, por jo e pamundur. Nuk do të dorëzohemi. Ndaj Villarrealit dështuam, po kështu edhe sot”
“I kemi dhuruar golat. Skuadra ka pasur besim, guxim, dëshirë… por është e pamjaftueshme. Është turp sepse ishte një mundësi e mirë për të qëndruar në garë, por po bëhet më e vështirë për ne”, tha Xavi.
Krejt në fund trajneri katalunas ka zbuluar edhe fjalët që ia tha presidenti Joan Laporta pas ndeshjes.
“Laporta më tha se kjo është e tepruar. Është një zhgënjim i madh. Ishte një ndeshje në shtëpi, duhej ta fitonim për të vazhduar luftën. Jemi të gjithë njësoj. Nuk ka dallime”, deklaroi Xavi.
(Kosova Sot Online )
