
Lexoni edhe:
Emisari amerikan Gabriel Escobar vjen me mesazhe të qarta për liderët e shtetit të Kosovës
Barcelona e ka siguruar kualifikimin në çerekfinale të Ligës së Kampionëve.Katalonasit mposhtën në shtëpi Napolin me rezultat 3:1, në ndeshjen e dytë të 1/8 së finales në garën më prestigjioze evropiane për klube, transmeton "Kosova Sot Online"
Ndeshja e parë e zhvilluar në Itali u mbyll baraz, 1:1.
Fermin Lopez sonte kaloi Barcelonën ne epërsi në minutën e 15-të të ndeshjes, para se Cancelo të dyfishonte epërsinë dy minuta më pas.
E kapiteni i Kosovës, Amir Rrahmani i dha shpresë napolitanëve, kur ngushtoi epërsinë në minutën e 30-të.
Me rezultatin 2:1 u mbyll edhe pjesa e parë, ndërsa mysafirët e nisën shumë më mirë të dytën.
Napoli pati disa raste të mira shënimi, megjithatë nuk ia doli të konkretizonte.
E një kombinim fantastik Gundogan-Roberto-Lewandowski rezultoi me gol nga ky i fundit për ta vulosur fitoren dhe kualifikimin tutje.
(Kosova Sot Online )