Lexoni edhe:
Reagimi i fuqishëm i Federatës së Turqisë për dhunën në ndeshjen Trabzonspor – Fenerbahce: Paralajmëron dënime masive
Trajneri i Anglisë ‘kërcënon’ dy yjet e kombëtares
Trajneri i Anglisë, Gareth Southgate paralajmëroi dy yjet e skuadrës Marcus Rashford dhe Jack Grealish se nuk e kanë të sigurt grumbullimin për në Euro 2024, transmeton "Kosova Sot Online ".
Dyshja ka pasur një sezon plot ulje e ngritje dhe trajneri Southgate u shpreh se konkurrenca në kombëtaren e “Tre Luanëve” është e pamëshirshme.
“Ne na intereson shumë ajo që ndodh me lojtarët në klubet e tyre respektive. Vëzhgojmë gjithçka, na interson edhe ajo çfarë ndodh me ta jashtë fushës. Edhe pse sigurisht performanca në fushë është kryesore. Ajo që dua të them është se Rashford dhe Grealish kanë shumë konkurrencë në kombëtare.
Të tjerët po luajnë mirë, Anthony Gordon, Jarred Bowen, po shënojnë dhe punojnë shumë në fushë. Kemi shumë opsione dhe unë nuk mund t’i garantoj askujt një vend për në Europian. Dua lojtarët më të mirë për çdo pozicion. Nga tani deri në fundin e sezonit të gjithë duhet të performojnë në maksimum për ta merituar grumbullimin”, u shpreh Southgate.
(Kosova Sot Online )
