Lexoni edhe:
Interpretim i shkëlqyer i këngës 'Mora fjalë' nga Diva e muzikës shqipe Adelina Ismaili
Rita Ora gjobitet me 10 mijë paund
Rita Ora është gjobitur me 10 mijë paund pasi zhvilloi një festë të 30-vjetorit me 30 të ftuar.
Ylli i popit i tha The Sun ajo është "thellësisht keq për thyerjen e rregullave" ndërsa kërkoi falje për ngjarjen e ndodhur.
Rita Ora u fotografua duke mbërritur në festën e saj luksoze të ditëlindjes së 30-të.
Burimet zbuluan se ajo ofroi të paguante gjobën prej 10,000 £ pasi u foli policëve këtë mëngjes.
Dhe në një deklaratë për The Sun, Rita tha sot: "Përshëndetje të gjithëve, unë zhvillova një festë të vogël me disa miq për të festuar ditëlindjen time të 30-të. Ishte një nxitje e momentit dhe vendimi u mor me pikëpamjen e gabuar... Më vjen keq për shkeljen e rregullave dhe nga ana tjetër e kuptoj që kjo i vë njerëzit në rrezik. Ky ishte një gabim serioz dhe i pafalshëm nga ana ime. Duke pasur parasysh kufizimet, unë e kuptoj se sa të papërgjegjshme ishin këto veprime dhe marr përgjegjësinë e plotë. Ndihem veçanërisht e zënë ngushtë duke ditur nga dora e parë se sa njerëz kanë punuar për të luftuar këtë sëmundje të tmerrshme dhe duke qenë plotësisht të vetëdijshëm për sakrificat që njerëzit dhe bizneset kanë bërë për të na mbajtur të gjithë të sigurt. Edhe pse kjo nuk do ta lehtësojë dëmin, dua që të kërkoj sinqerisht falje",- tha Rita Ora.
Tridhjetë njerëz morën pjesë në një festë sekrete në një restorant në Londër. Mes të ftuarve ishin motra e saj Elena, modelja Cara dhe Poppy Delevingne.
Raportohet se policia ishte njoftuar nga disa persona, të cilët kishin dhënë edhe lajmin se në një restorant po organizohet një festë.
Kjo festë vjen në një kohë kur autoritetet kanë bërë thirrje që mos të ketë grumbullime, për të bërë të mundur parandalimin e përhapjes së koronavirusit.
(Kosova Sot Online)
