Bukuroshja e golfit që fiton më shumë se Tiger Woods e Rory McIlroy me postimet në Instagram

Sensacioni i ri i rrjetit Instagram, Paige Spiranac intrigon rregullisht 3 milionë ndjekësit e saj me foto joshëse, teksa raportohet se bukuroshja e golfit fiton më shumë para nga rrjetet sociale sesa fitojnë emra shumë më famshëm si Tiger Woods apo Rory McIlroy.

Fotot e postuara nga Spiranac janë gjithnjë me veshje të vogla dhe shumë ‘lëkurë’ në shfaqje.

Lexoni edhe:

Rrëfehet Britney Spears, arsyeja pse i shkurtoi flokët në vitin 2007

Profesionistja e golfit i shoqëron pamjet me këshilla të vogla sportive, në komente apo në videot e shkurtra në rrjet.

Për cdo postim Spiranac llogaritet se fiton $14,072 sipas rrjetit të llogaritjes së fitimeve sportive BonusFinder.com.

Kjo është një shumë më e madhe nga sa fiton çdo golfist, siç është Woods që arkëton $11,646 per postim, apo irlandezo-veriori McIlroy që fiton $10,190 për çdo postim.

27 vjeçarja Spiranac nuk ka luajtur më golf profesionist që prej vitit 2016 por vetëm mban nën mbikqyrje atë që ndodh me sportin.

Ajo thotë: “Golfi është kthyer në një sport të modës tani që Tiger Woods ka fituar përsëri kampionate. Më tepër njerëz e ndjekin atë. Unë i njoh ata djem, janë të mrekulueshëm. Por mendoj se nuk i thonë gjërat siç duhet pasi kanë frikë se humbasin sponsorat, ose marrin komente urrejtjeje nga komuniteti i golfit”.

(Kosova Sot Online)