Lexoni edhe:
Besiana Mehmedi: Maestro Riza Dolaku ju do jetoni me artin tuaj, ishit dhe do mbeteni çdoherë unik
Para publikut të Lobregradit vallëtarët dhe solistët vokal, të përcjellur nga orkestra jonë paraqitën 90 minuta program të larmishëm! Këngë e valle jugu e veriu pa munguar në veçanti vlerat e shqiptarëve nga RMV. Fillimi ishte rezervuar për këngët e pazëvendësueshme të melosit kërçovarë “Kur jam kanë 12 vjet”, “Po t’bëj rixha”, “Vajzën tuj nuk e dum” interpretuar nga Besarta Murtezani, Agron Kalisi e dueti Zekirija Lamallari&Kastriot Latifi.
Nga Kërçova vallëtarët sollën frymë Karadaku me vallen e asaj treve.
Më pas nga Shqipëria e Mesme u ekzekutua instrumentale në flautë “Fustanin që ta solla mbrëmë” nga Argjira Çollaku kurse Besarta Murtezani paraqiti belkanton e këngëve të vjetra shkodrane. Për të kaluar në tjetër atmosferë vallëtarët sollën “Nga Tetova në Dibër” për të kaluar në këngët e kompozitorit tonë dibran Musa Piperku. “Shpresa ime e dashur” dhe “Dasma e malësorit” u interpretua nga Zekirija Lamallari dhe Kastriot Latifi. Shkëlqeu dyshja Avni Zeneli e Jeton Ferati me vallen e dibrës për të përnbyllur këtë bllok e për të kaluar tek muzika aq profesionale e autoktone e Lorenc Antonit. Vallja “Malësorja” krijoi magji e emocion në skenë. Në këtë atmosferë pashmangshmërisht do duhej të paraqitej muzika e jashtëzakonshme e jugut, vlerë e jona dhe krenari. Vallja e jugut, instrumentali “Sazet e Ohrit” interpretuar në harmonikë nga Shkëlqim Jahiu ishin tingujt që krijuan ovacione ndonëse duartrokitjet gjatë gjithë mbrëmjes vazhdonin pandërprerë. Pas kësaj atmofere për ta fuqizuar paraqitjen grupi i solistëve intepretoi këngët e njohura që kanë kaluar në hite për çdo brez e që janë kompozuar nga i madhi Musa Piperku “Këngë moj”, “Kënga shpirtin ma rrëmben” dhe “Kënga e rinisë”. Mbrëmja u përmbyll me superpremierën e 20 vjetorit të Marrëveshjes së Ohrit “Vallen e paqes” në këtë atmosferë drejtori i ansamblit Shkodran Tolaj u ngjit në skenë për të falemnderuar organizatorët dhe publikun.
Në shenjë kujtimi për këtë paraqitje kryetarit të qytetit Josep Miquel Goyta (casino del centre president) i dhuroi plis identifikues me llogo të ansamblit kurse përfaqësuese për kulturë Maria Angeles Sariñena (second maior of Hospitalet de Llobregat)i dhuroi një shami tradicionale të trevave tona. Në përshëndetjen e tij tha” Ne vimë nga vendi i nobelistes Nënë Tereza që pikërisht me 5 shtator ka pesë vjetorin e shenjtërimit andaj misioni ynë është të shpërndajme dashuri e kulturë në tërë botën. Në publik kishte edhe shqiptarë të cilët të emocionuar e me lot në sy nga emocionet ndoqën programin! Në shenjë mirënjohje për këtë natë të magjishme që ansambli i fali qytetit të Lobregradit kryetari dhuroi për ansamblin një pikturë dhe libër të qytetit. Nata e sontme ishte e gjatë por përplot emocione dhe madhështi me një program sfidues që u realizua me shumë sukses!
(Kosova Sot Online)