A është e vërtetë shprehja 'Grua e lumtur, jetë e lumtur?'

Rezulton se thënia e vjetër “grua e lumtur, jetë e lumtur” është e vërtetë dhe e konfirmuar shkencërisht.

Një studim në Universitetin Rutgers ka zbuluar se lumturia martesore lidhet fort me faktin nëse gruaja në lidhje është e lumtur apo jo.
Nëse ajo është e mjerë, atëherë burri i saj është i mjerë, dhe pothuajse e gjithë marrëdhënia është e prishur.

Në të kundërt, nëse burri është i mjerë, marrëdhënia vuan shumë më pak.

Hulumtimi i 394 çifteve zbuloi se jo vetëm kënaqësia e gruas luan një rol të madh në lumturinë ose mjerimin e një martese, por, në përgjithësi, burrat priren të jenë më të lumtur në marrëdhëniet e tyre sesa gratë. Por, kur bëhej fjalë për kënaqësinë e përgjithshme të jetës, ndjenja e grave për martesën kontribuoi drejtpërdrejt në faktin nëse burri i tyre ishte i lumtur apo jo.

Arsyeja pse “grua e lumtur, jetë e lumtur” është e vërtetë është se një grua e lumtur është më e gatshme të synojë të kënaqë.
Nëse një grua është e lumtur në martesën e saj, ajo do të përpiqet shumë për të krijuar një përvojë pozitive për burrin e saj. Kështu që ndoshta ajo e dëgjon atë më shumë, i ofron më shumë mbështetje emocionale, ose ndoshta i ofron atij më shumë ndihmë me aktivitetet e përditshme.

Vetëm komunikimi i ndjenjave mund të bëjë një martesë të jetë vërtet e suksesshme.
Është e trishtueshme të mendosh se perceptimi i një personi për një martesë mund të ketë një ndikim kaq të madh në të, por duke qenë se është kështu, çiftet e martuara i detyrohen vetes të vendosin të gjitha letrat e tyre në tryezë dhe të mos i shmangen hapjes.

(Kosova Sot Online)