Lidhja e Isa Mustafes, me asgjë nuk ta përkujton Lëvizjen e Ibrahim Rugoves

Lidhja e Isa Mustafes, me asgjë nuk ta përkujton Lëvizjen e Ibrahim Rugoves
Lidhja e Isa Mustafes, me asgjë nuk ta përkujton Lëvizjen e Ibrahim Rugoves

Fadil Maloku

  • 14 shtator 2020 - 09:53

1. Ldk-ja e sotit, nuk është ASESI ajo LDK-ja që e la në amanet Presidenti karizmatik Ibrahim Rugova! Ajo sot është shndrrua në një “fabrikë” dështakësh e poltronistash senil që dobësitë e tyre (karizmatike, profesionale, autoritative, etj.) në ngrehinën e quajtur “Këshill i Përgjithshëm” i manifestojnë (publikisht) dhe i ekzekutojnë (ilegalisht) jo në baza Statusore Partiake, po në baza dhe interesa klanore të Kryetarit të saj Mustafa dhe klanit të tij (të ngushtë që i rehatoi në Kryeministri dhe nëpër ministri tjera të rëndësishme, vetëm e vetëm që ta mbrojnë nga ato 70 dosjet… e famshme!) që me asnjë element nuk i gjasojnë as LDK-s fillestare, e as asaj të pasluftës që e udhëhiqte Ibrahim Rugova.

LDK-ja e Isa Mustafës, tani dihet edhe botërisht që nuk është as në formë (elita intelektuale) e as në përmbajtje (Statuti) ajo LDK-ja e fuqishme, tolerante, e unike që Millosheviqit çdo xhuma ia dridhte këmbët e pushtetit. LDK-ja, tani është shndrru në “fabrikë” konformistash, si çifti i profesor Abdullah Hoti, të cilit sikur t’i “urdhërohej” (nga shefi ish komunist) ta nënshkruante kthimin tonë nën Serbi, pa asnjë hamendje Ai do e bënte këtë (!) dhe poltronistash, që si të vetmin ideal i kanë bë tenderët dhe kolltuçet ministeore! “Vlera” këto që decidivisht janë duke ia zbehur namin LDK-s rugoviane!

2. Kurse, kulmimi i zbehjes së këtij nami janë padyshim tash së fundi edhe stigmatizimi dhe anatemimi sistematik gebelsian që u përgadit me aktin e shkarkimit të Nënkryetarës së kësaj partie, Zonjës VJOSA OSMANIT! Ky akt, por edhe gjëja vendim partiak, në fakt ishte jo vetëm i ulët (akuza banale për kinse antirugovizëm dhe kinse koncesione ndaj qeverisë Kurti! A në fakt Vjosa ishte avokatja dhe trumbetuesja kryesore e vlerave dhe metodave dhe e sjelljeve tipike rugoviane!) por, ishte edhe i pashembullt, shkaku i (frikës dhe tmerrit që Ajo ua shkaktoj me 176.000 votat që i mori në zgjedhjet e fundit si femra më e votuar në gjitha zgjedhjet !?) vendimit autokratik për largimin e saj të padëshiruar nga posti i nenkryetares dhe sigurisht edhe nga vetë Ldk-ja!?

Thënë si më thjesht, si mind të largohet një personalitete si dr. Vjosa Osmani, kur dihet botërisht që ajo është brymosur dhe është rritur e edukuar me vlerat dhe konceptin Rugovian?! S’këndejmi LDK-s së sotme, i duhet fillimisht; një çkapje e Partisë, e mëpastaj një lidership i ri që di mundet dhe dëshiron ta rikultivoj frymen e tolerancës, durimit, dhe padyshim; intelektualitetit, guximit, profesionalizmit dhe mbi të gjitha meritokracisë, midis anëtarësisë së gjerë.

3. Tani, LDK-ja është para një udhëkryqi dhe sprove historike dhe nëse dëshiron ta ruaj elektoratin e saj; Ajo duhet të lirohet;          

-  nga klanet mafioze, që e kanë uzurpu partinë përmes krimit dhe korrupsionit;      

- nga grupet kriminale që e kanë kompromitu idenë dhe konceptin e tolerancës rugoviane;                                   

 - nga injorantët dhe të pashkolluarit që u ngjitën lartë në hierarkinë partiake pa merita; - nga rrencat që e mashtruan elektoratin për “vijat e kuqe”;                       

 - nga poltronistët që përmes servilitetit moren poste jomeritore në qeverinë aktuale;                                                           - nga ish komunistat, që e kanë “kap partinë” dhe që vetëm kur ka zgjedhje, thirren (dhe përkulen në gjunj) në Ibrahim Rugoven;                                                          

- nga konformistët që heshtën kur është debatuar për rrezikimin e interesit të shtetit të Kosoves;                                         

 - nga parashutistat që erdhën nga shoqëria civile, e u katapultuan (lexo; u shpërblyen me poste të larta!).                            

P.S. Pse Ldk-ja e Isa Mustafës, është bë sot një "fabrikë" aparatçikësh poltron, e servilësh mediokër që imperativ të vetëm kanë tenderomaninë dhe kolltuqet qeveritare?

Shkrimet në këtë rubrikë nuk shprehin qëndrimet e gazetës "Kosova Sot Online".