Isa Mustafa kundër shtetit të së drejtës, pozicionohet në mbrojtje të shkelësve të ligjit dhe të krimit

Shkruan: Skënder Kapiti

Në demokraci fjalën e ka ligji, dhe kur flet ligji, politika duhet të heshtë. Isa Mustafa tashmë është i dëshmuar si i korruptuar, aventurier , mashtrues dhe i pabesueshëm deri në neveri për aventurizmin politik e korruptiv të tij, si trafikant pushteti. Askujt në demokraci nuk I lejohet që të urdhërojë drejtësinë si, qysh dhe çfarë të veprojë për të akuzuarit dhe të proceduarit nga organet e saj . Këtë e bën mendësia komuniste e Isa Mustafës.

Lexoni edhe:

Asamblistja e VV’së në Prizren i kërkon llogari Haskukës për punësimin e grave

Deklarimi prej kryetarit të LDK-së Isa Mustafa, kundër fillimit të hetimeve ndaj kryetarit të Istogut Haku Rugova, është rasti më i freskët i asaj për të cilën flitet dhe konstatohet nga opinioni i gjerë publik shqiptar dhe nga ai ndërkombëtar, se drejtësia në Kosovë është e kapur, është pronë dhe është në shërbim të politikës dhe të oligarkisë politiko-korruptive. Kjo ndërhyrje e tij është përpjekje për t’i bërë mbrojtjen dhe avokatinë Rugovës si dhe presion politik mbi drejtësinë për shkak se Kryetari Rugova i Komunës së Istogut i përket politikisht LDK-së që drejton Mustafa. Nëse p.sh. Rugova do t’i përkiste AAK-së apo edhe PDK-së me siguri që atij avokatinë do t’ia kishte bërë AAK-ja , kryetari i saj , apo në rastin tjetër PDK-ja dhe kryetari i saj. Në vend që Mustafa të paktën sipërfaqësisht do të duhej që të heshtëte apo të paktën të thoshte se tashmë fjalën e ka drejtësia dhe ligji, ai mbron të akuzuarin.

Shkrimet në këtë rubrikë nuk shprehin qëndrimet e gazetës "Kosova Sot Online".