Në përkujtim të 27 Nëntorit ,organizimit të demostratave të para për Kosovën Republikë të vitit 1968

Në përkujtim të 27 Nëntorit ,organizimit të demostratave të para për Kosovën Republikë të vitit 1968
Në përkujtim të 27 Nëntorit ,organizimit të demostratave të para për Kosovën Republikë të vitit 1968

Ismail Muçiqi

  • 27 November 2020 - 11:02

Ky ishte kushtrimi dhe thirrja e intelektualit te madhe dhe një nga Organizatoret kryesor të Demostratave zotri Adil Pireva.

Kosovarë o kosovarë ju thërret ora e lirisë Eni n’ demonstrata o burra eni n’demostrata! Për komb, për atdhe, për Shqipëri, për rreze t’ lirisë

Me kosovarë le t'mbushen plot rrugët e gjata !

Le t'buqasin fshatrat, qytetet, fushat dhe malet le t'dëgjohet kushtrimi n'tërë Kosovën legjendare!

Nëpër fabrika, xehrore shkolla - puna le t'ndalet

Eni n'demostrata me flamurin e shqipes dy krenare

Ndër duar t'punëtoreve, t'fshatrave, t'shkollrave flamuri kombetar dhe ndër zemra: Skënderbeu

Të tregojmë fuqinë tonë për të drejtat e kosovareve

Për vuajtjet tona le t'marrë vesh mbarë dheu!

Të drejtat kombëtare duam! S'lakmojmë vendin e huaj

Duam të jemi të lirë, nën flatrat e Shqipërisë;

Vetë të vendosim për fatin tonë, me ne kush t'mos luaj

Se jemi gati dhe për betejë, t'ia falim jetën lirisë!

Pra eni, o eni n'demostrata, trima kosovarë,

Ta zgjojmë popullin nga gjumi i robërisë

E kur t'shohë bijt e vet se janë bërë luftëtarë:

Do të filloj kryengritjen e lirisë!

Viti 1968 ishte i njohur si vite i lëvizjes studentore në shumë vende të botës, vite trazirash studentore në Universitetet më të njohura Botërore. Demonstrata studentore u organizuan në Francë, Gjermani, Angli, Spanjë e në shumë vende tjera. Këto trazira kishin ide shkatërrimin e burokracisë shtetërore të botës ekzistuese dhe të kohës. Rinia studentore me ide progresive e cila kërkonte një botë më humane dhe më njerëzorë për kohën. Është interesantë të theksohet se demonstratave studentore të organizuara në Spanjë në vitin 1968 ju printe Havier Solana, i cili dikur u bë Sekretar i Përgjithshëm i NATO-së. Në Gjermani në krye të demonstratave të lëvizjes studentore ishte Joshka Fisher i cili më vonë u zgjodhë Ministër i Jashtëm i Gjermanisë. Po ashtu në Francë në krye të lëvizjes studentore ishte Bernard Kushner i cili pas luftës në Kosovë u emërua udhëheqës i misionit të Kombeve të Bashkuara në Kosovë. Demonstratat Shqipëtare të vitit 1968 në Kosovë u bënë në rrethana të posaçme politike - shoqërore të cilat u krijuan në Jugosllavi si rrjedhojë e luftës së forcave decentralizuese kombëtare të popujve ish Jugosllavinë kundër forcave hegjemoniste unitariste serbomadhe të cilat pësuan një humbje të madhe pas Plenumin e Brionit të LKJ-së të vitit 1966.

Krijimi i Opsionit të Republikës së Kosovës

Viti 1968 kishte filluar në shenjë të shënimit të 500 vjetorit të vdekjes së krye heroit kombëtar, Gjergj Kastriotit Skenderbeu. Me hapjen e procesit të ndryshimeve kushtetuese në nivelë të Jugosllavisë edhe në Kosovë filluan të shtrohen kërkesat për përmirësimin e pozitës kushtetuese të Kosovës, që popullit shqiptar në Jugosllavi t'i njihet statusi i kombit dhe e drejta e vetëvendosjes deri në shkëputje.

Historiku i Komitetit të Demonstratave grupi i organizatoreve kryesor të demonstratave të vitit 1968 i quajtur Komiteti i Demonstratave që më vonë nga populli është quajtur Grupi '68-së'. Ky grup i përberë nga figurat e reja atdhetare kryesisht studentësh të fakulteteve të Prishtinës arriti që të formohet që në vitin 1964 i quajtur Lëvizja Revolucionare për Bashkimin e Shqipëtarve {LRBSH} themeluar me 1963 nga simboli i qëndresës shqipëtare Adem Demaqi.

Anëtarët e këtij grupi ishin Osman Dumoshi, Adil Pireva, Selatin Novosella, Ibrahim Gashi, Shemsi Hoxha, Ilaz Pireva, Xheladin Rekaliu, Afrim Logja dhe Skender Muqolli. Demostratat e viti 1968 të cilat u organizuan në qytetet.. Prizren, Suharekë, Pejë, Podujevë, Ferizaj, Gjilan, Prishtinë, Mitrovicë shënuan periudhën më të ndritshme historike të popullit Shqipëtarë në shekullin e kaluarë.

Prandaj në shenjë të këtij Përvjetori i kujtojmë me krenari personalitetet dhe intelektualet më të shquar të lëvizjes gjithë popullore për avancimin e të drejtave kombëtare të shqiptareve duke kërkuar të Drejta të barabarta me popujt tjerë të botës së lirë për Liri dhe Pavarsi deri në Vetëvendosje për të ardhmen e Kosovës.

Lavdi të gjithë atyre patrioteve që ranë për Lirinë e Kosovës.  Lavdi dhe krenari për të gjithë organizatoret e gjallë të cilët lanë gjurmë në historinë e këtij populli.

Në foto Adil Pireva njeri nga Organizatoret kryesore te Demostratave te vitit 1968.

Shkrimet në këtë rubrikë nuk shprehin qëndrimet e gazetës "Kosova Sot Online".