Dështimi i zgjedhjes së presidentit koncensual dhe zgjedhjet e parakohshme rrezikojnë partneritetin e Kosovës me faktorin ndërkombëtar

Shkruan: Nexhat Haziri

Si faktor tjetër që partnerët tanë ndërkombëtar po e marrin parasysh në kërkesën e tyre për zgjedhjen e një presidenti konsensual, pa shkuar në zgjedhje të parakohshme, është edhe partneriteti që tashmë ata kanë vënë me kryeministrin Hoti, i cili ka treguar lidership stabil, duke u shndërruar në një partner serioz dhe të besueshëm në raport me partnerët tanë ndërkombëtar si në Bruksel, Berlin, Paris dhe në Uashington.

Lexoni edhe:

LDK’: Dyshime se Vjosa punoi me Albinin edhe gjatë fushatës

Në këtë konfiguracion aktual të skenës politike shkuarja në zgjedhje të parakohshme nuk prodhon zgjidhje, për më shumë mund të qoj në ngërç politik e institucional, sidomos nëse mbetët që zgjedhja e presidentit të mbetët pas shkuarjes në zgjedhje të parakohshme. Andaj duke e ditur këtë situatë dhe mentalitetin e inatit në politik bërjen kosovare, faktori ndërkombëtar është shumë i interesuar, edhe në formë të presioneve të lehta, për ti shtyrë partitë politike drejtë një marrëveshje për të gjetur e zgjedhur një president konsensual që do ta evitonte thellimin e krizës politike në vend, dhe stagnim të Kosovës si në procesin e dialogut me Serbinë dhe mundësisë për të arritur një marrëveshje finale e cila do të dërgonte në njohje reciproke në mes dy shteteve, por edhe vonesa në agjendën e integrimeve euro-atlantike, po ashtu edhe në aspektin e zhvillimeve të brendshme.

Shkrimet në këtë rubrikë nuk shprehin qëndrimet e gazetës "Kosova Sot Online".