Sondazhet në Kosovë, ende përdoren vetëm si mjet propagande e formë presioni nga partitë politike!

Sondazhet në Kosovë, ende përdoren vetëm si mjet propagande e formë presioni nga partitë politike!
Sondazhet në Kosovë, ende përdoren vetëm si mjet propagande e formë presioni nga partitë politike!

Fadil Maloku

  • 26 janar 2021 - 10:11

Shkruan: Fadil Maloku

Sondazhet, kohëve të fundit në Kosovë janë duke tentuar të përdorën si mjet i fuqishëm propagande dhe si formë presioni në adresa të gabuara, nga ana e disa partive politike. Themi kështu, ngase, këto kinse sondazhe po lënë përshtypje se po bëhen për qëllime animimi dhe senzibilizimi për ofertat e tyre! Më tej, këto lloj sondazhesh çka është më interesant, nuk i dedikohen elektoratit të vetë, apo publikut të gjerë, por, subjekteve tjera konkurruese, duke dashur kështu përmes “alibisë” makiaveliste të sondazh manisë të demonstrojnë “rritjen” e tyre enorme dhe “zvogëlimin” enormë të kundërshtarëve politik.

1.Sondazhet “made in Kosova”, janë duke tentuar të përdorën si mjet propagande dhe si formë presioni, në adresa të gabuara, nga ana e disa partive politike. Themi kështu, ngase, sondazhet e fundit…nuk po lënë përshtypje se po bëhen për qëllime animimi dhe senzibilizimi për ofertat e tyre! Pastaj, sondazhet e tilla, çka është më interesant, nuk i dedikohen elektoratit të vetë, apo publikut të gjerë, por, subjekteve tjera kunkurruese, duke dashur kështu përmes “alibisë” makiaveliste të sondazhomanisë të demonstrojnë “rritjen” e tyre enorme!

2.Duke harruar kështu, që të njëjtit elektorat (publik) nuk i bëjnë aq shumë përshtypje “kauzat” e zbehta të; asociacionit, e demarkacionit, por, kauzat; sociale të nëpërkëmbjes së dinjitetit, papunësisë, korrupsionit, e sidomos varfërisë së pahetueshme! Që është një gabim i QËLLIMSHËM dhe i PËRSËRITSHËM;

2.1. I qëllimshëm, sepse mesazhi i këtyre sondazheve të porositura partiake të punuara tejet jo profesionalisht (paramendoni sondazh me 1600€!), e tejet jo shkencërisht (nuk përfillen kriteret elementare shkencore) po shihet që nuk kanë për qëllim detektimin dhe skanimin e problemeve reale, pra, problemeve boshte të kësaj shoqërie…!

2.2. I përsëritshëm, ngase, këto sondazhe aludohet apo synojnë kinse ta “demoralizojnë” subjektin kundërshtar, ndërkaq, me gjitha këto të meta arrijnë kundër efekte! Sepse, duke dërguar mesazhe blofi tek kundërshtarët e vetë ideologjik, apo politik, vetëm sa e rimobilizon atë! Duken shumë fëmijërore puna e matjes së ; qëndrimeve, mendimeve dhe përceptimeve qytetareske.

3. Sondazhet e mirëfillta sociologjike, partitë serioze politike nuk ia “reklamojnë” as kundërshtarëve të vetë politikë – përkatësisht ideologjik, e as elektoratit, përkatësisht publikut të gjerë, por, e bëjnë për konsum të brendshme partiak. Janë shumë arsye, se përse veprohet kështu;

3.1.Nuk dëshirojnë të zbulojnë fare as potencën, e as fuqinë e ndikimit real në publik, shkaku i mistifikimit dhe konzervimit të kësaj fuqie e ndikimi…

3.2.Dëshirojnë që vetëm ata ta posedojnë “fotografimin” e gjendjes reale, në mënyrë që saktësisht strategët partiak të din të ndërmarrin hapat preventiv…

3.3. Por, edhe shkaku se sondazhet (sado profesionale dhe shkencore) janë vetëm një “selfie” momentale e disponimit të publikut, për një proces, dukuri apo fenomen social, politik, ekonomik, etj. e jo një përgjigje e sigurt për rejtingun e një subjekti politik. Sondazhet që kinse po matin “pulsin” qytetar, fare s’kanë të bëjnë me studime shkencore, ato po përdorën vetëm si mjet propagande e formë presioni nga ana e partive politike!

Shkrimet në këtë rubrikë nuk shprehin qëndrimet e gazetës "Kosova Sot Online".