Lexoni edhe:
Haxhiu takoi drejtorin e Agjencisë Kundër Korrupsion
Shkruan: ANALIST-Skënder Kapiti
Sistemi i drejtësisë në Kosovë ka dështuar e kapituluar ne te gjitha segmentet e tij , përderisa drejtësia në Kosovë është politike dhe maksimalisht dhe më saktë akoma sistemi i drejtësisë në Kosovë është avokati dhe po ben avokatine e mafio-politikës së vjetër , e asaj politike që u ndëshkua ashpër me 14 Shkurt 2021. Dhe logjikshëm e detyrimisht tashmë me Parlamentin e ri, Qeverinë e re dhe me Presidentin e ri duhet të shkallmohet e çrrënjoset sistemi i drejtësisë politiko-korruptive që ka kapur keq drejtësinë kosovare.
Haxhiu takoi drejtorin e Agjencisë Kundër KorrupsionLexoni edhe:
Nuk ka alternativë tjetër përveçse një VETING-u radikal e pastrim të drejtësisë nga gjykatësit e prokurorët me rekorde injorance profesionale, me rekorde krimi, korrupsioni, abuzimi dhe prej matrapazëve e pazarexhinje të ligjit e të drejtësisë!
Të gjitha hallkat dhe shkallët e sistemit të drejtësisë janë në lidhje kapilare e piramidale nga baza në kulm dhe me lidhje simbiotike jo vetëm me njëra tjetrën por edhe me politikën dhe politikanët si dhe me mafio-oligarkinë. Është më se i saktë konstatimi sipas të cilit Prokuroria dhe gjykata e shtetit po ua bëjnë avokatinë dhe mbrojtjen zyrtareve të inkriminuar e të kriminalizuar që mbajnë pozita të larta nëpër komuna , nëpër ministritë respektive të qeverisë së inkriminuar dhe deri edhe në ish-presidencë gjatë pesë viteve të shkuara 2016-2020. Pavarësisht se publiku dhe disa media akuzojnë e denoncojnë, prokuroria e gjykata heshtin dhe nuk veprojnë, pasi ato vetë janë të kapura nga ryshfeti dhe paraja qe vie nga korrupsioni dhe krimi i organizuar . Në këto kushte besimi dhe shpresa e vetme e qytetareve te Kosovës për vendosjen në vend të drejtësisë aktive, profesionale e të pavarur dhe të guximshme mbetet dhe është reformimi i premtuar nga kjo qeveri dhe nga parlamenti i ri me ndërmarrjen e miratimit te Ligjit te VETING-ut ne Republiken e Kosoves.
Shkrimet në këtë rubrikë nuk shprehin qëndrimet e gazetës "Kosova Sot Online".