Shablloni i tejkaluar i partive politike në Kosovë

Shablloni i tejkaluar i partive politike në Kosovë
Shablloni i tejkaluar i partive politike në Kosovë

Ismail Muçiqi

  • 08 maj 2021 - 16:29

Shkruan:Ismail Muciqi

OPINION ME SHKASE   

Partitë politike të cilat vepruan në skenën e të ashtuquajturit pluralizëm më së paku reflektuan në zhvillimin e proceseve demokratike në vend. Qe nga pas lufta po thuajse të njëjtat klane dhe grupe te interesit të veshura me petkun familjarë po e shantazhojn popullin dhe po e dëmtojnë të ardhmen e Shtetit të Kosovës. Praktika po tregon se shoqëria Kosovare që nga pas lufta ka ra në gjumë, pa invencion në zhvillimin e proceseve në Kosovë.

Shtrohet pyetja: A ka Kosova inteligjencë apo superstrukturë e cila duhet ti dal Zot vendit dhe Shtetit?!. Mjerisht përvojat kanë treguar dhe vazhdimisht po dëshmojnë se institucioni më kredibilë dhe përgjegjës i një shteti demokratik duhet të jetë Akademia e Shkencave dhe Arteve e cila në shtetet normale është e përbërë  nga ajka intelektuale e shoqërisë.

Ky institucion Akademikë për mision shkencor dhe kombëtarë duhet të kishte drejtimin e timonit të zhvillimit të proceseve të shkencës dhe kulturës në të cilën gërshetohen të gjitha interesat historike dhe politike të një shteti. Akademitë e shteteve demokratike po thuajse për çdo vjet përgatisin elaborate strategjike duke ju parapri proceseve zhvillimore të cilat janë të lidhura edhe me kahjen dhe interesin e politikës shtetërore të një vendi. Mjerisht në Kosovë kjo nuk po ndodh.

Edhe me shqetësuese është pasiviteti i klasës intelektuale në të cilën bëjnë pjesë një armatë e tërë të njerëzve të cilët vite me radhë kanë kontribuar në lami të ndryshme të Shkencës, Arsimit, Kulturës, Ekonomisë, në sistemin e drejtësisë e deri tek niveli i organizimit politikë. Për shkak të pasivitetit të kësaj klase intelektuale menjëherë pas lufte grupet e interesit pa përgatitje arsimore, pa kulturë të mjaftueshme, pa kualifikime superiore, pa përvojë politike arritën të shndërrohen dhe rreshtohen në të ashtuquajtura parti politike për ta grabitur pushtetin.

Kjo mënyrë e organizimit politikë ja solli Kosovës formimin e institucioneve të brishta me deputet pa integritet, pa kulturë, pa dije dhe përvojë të cilët e shndërruan Parlamentin e Kosovës në hajt pak {në kaos}.

E njëjta valle u luajte edhe me Ministrat e Qeverive në pushtet të cilët i solli partia dhe lideri pa i plotësuar  kushtetet  minimale për ta ushtruar me dinjitet dhe dije profesionale mandatin e ministrave. Kjo katrahurë vazhdimisht ka degraduar çdo vlerë dhe imazhin e Qeverive dhe institucioneve të shtetit.

Për shkak të interesave personale të liderëve dhe grupeve të partive politike asnjëherë nuk u arrit të ndryshohet ligji zgjedhorë i cili do të përcaktojë zona dhe bazën deleguese të deputeteve për Parlamentin e Kosovës. Ky kaos i organizimit politikë i cili sot është në fuqi krijon pa përgjegjësi totale të deputeteve ndaj qytetareve. Për shkak të kësaj vazhdimisht po përfitojnë grupet e interesit liderët dhe klanet të cilat janë rreshtuar që dy dekada rreth kryetarit të partisë të cilit i takojnë.

Janë bërë të neveritshëm shumë figura të njëjta të cilat që nga pas lufta ulën në bankat e Parlamentit të Kosovës duke përfituar të ardhura të majme personale dhe befinicione tjera të cilat i realizojnë përmes formave më të ndryshme. Këto janë vetëm disa nga elementet, dhe argumentet e gjendjes në Parlamentin dhe institucionet e Shtetit. Këta janë barrësit dhe përçuesit e monopoleve të krijuara në dëme të qytetareve duke zhvatur edhe buxhetin e shtetit.

Nga kjo klasë politike me deputet të njëjtë me nga 3-4 mandate të zgjedhur përmes filtrave të partive politike nuk mund të pritet asgjë e dobishme dhe e mirë për Kosovën.

Prandaj përplasjet e fundit në Parlamentin e Kosovës dhe arroganca e të ashtuquajturve “deputet” pa dinjitet, pa moral, pa kulturë, pa edukatë është shprehje dhe pasqyrë e gjendjes në Shoqërinë Kosovare në të cilën po qeverisin dhe sundojnë të pa dijshmit e mjerisht inteligjenca dhe Akademia e Shkencave dhe Arteve ka ra në gjumë.

Ky është mjerimi i Kosovës. Prandaj nuk është e çuditshme kur deputeti pa integritet, e fyen apo e kërcënon Nënkryetaren e Parlamentit të cilës forcat serbe ja vranë po thuajse gjithë familjen, duke e lënë me trauma Saranda Bugujevcin. Ky lloj i deputeteve të cilët janë ndalur nga kazani i shërbimeve të partisë që i takojnë nuk ndjejnë kurrfarë turpi kur e fyejnë në mënyrën më të vrazhdë dhe më primitive Ministren e Punëve të Jashtme Donika Gërvallën për të cilën nuk ka koment për vlerat, dijen dhe kapitalin patriotik dhe kombëtarë nga vjen.

Shkrimet në këtë rubrikë nuk shprehin qëndrimet e gazetës "Kosova Sot Online".