Është me urgjencë anëtarësimi i Kosovës në NATO, për BE dhe OKB kemi kohë të presim
Fadil Maloku
Kryeminister Albin Kurti, bëju me dije Uashingtonit dhe Brukselit nevojën tonë urgjente të anëtarësimit në NATO, se për BE-ne dhe OKB-ara, kemi kohë mjaft .
1. Indeferenca apo "mbyllja e syve" e Uashingtonit dhe Brukselit, ndaj ofensivave agresive për mosnjohjen e Kosovës nga "pesëshja" europiane (Spanja, Sllovakia, Rumania, Greqia dhe Qipro), e ka trimëruar aq shumë Serbinë, sa që asaj në një mënyrë apo në tjetrën i është lejuar që jo vetëm të provoj ta kontestoj de facto (se de jure e ka dhënë mendimin GJND-ja) si pavarësinë, ashtu edhe shtetësinë e Kosovës. Në këtë kontekst, një zgjidhje e përkohshme dhe kujtoj tejet e rëndësishme për qetësinë dhe sigurinë e gjithë Ballkanit perëndimor, do ishte anëtarësimi urgjent i Kosovës (jo në OKB-ara, siç mendojnë, besojnë dhe gjykojnë disa gabimisht) NATO dhe BE.
2. Ngase, duket që ideja e "mosnjohjes”, si një akt izolimi dhe armiqësisë ndëshkuese ndaj Kosovës, Serbisë është duke i dhuruar si alibinë e mosndëshkimit, ashtu edhe të "drejtën" e paqenë (juridike, politike, madje edhe historike...!) të "kompromisit" (që i bie; ose copëtim territorrial, ose Bashkësi të komunave serbe/në fakt; një "Republika Srpska" kosovare/), që është duke e kërkuar Presidenti serb , A. Vuçiq, "derë më derë", nëpër gjitha kancelaritë botërore...? KM Albin Kurti, në takimet me Lajçak dhe Palmer, duhet t'u shpjegoj si arsyet ashtu edhe shkaqet e insistimit që të bëhet më shpejt dhe më sigurt anëtarësimi në NATO dhe BE. Bile në NATO-, duhet bërë çmos që të futemi! Ky insistim, i KM Kurti, në njërën anë do i neutralizonte shumë stigmatizime dhe paragjykime lokale e globale për qeverinë e tij si kinse "ekstremisht majtiste dhe antiperëndimore e antiamerikane", dhe anën tjetër, Kosovës, do i krijonte de facto dhe de jure favore për një "umbrellë mbrojtëse" nga ndonjë aventurë në të ardhmen, serbo-ruse.
3. Po ashtu, jam shumë i sigurt që anëtarësimi ynë në NATO-, do e shpejtonte edhe "njohjen reciproke" që tani për tani mbetet vetëm një "karrem" jo joshësh...Ketë nevojë tonën imediate për prezencë shume më aktive në NATO, (që është padyshim interes; strategjik dhe gjeopolitik amerikan), duhet unjësuar me komunikimet dhe vëmendjen e Presidentit amerikan Joe Biden dhe atë të Sekretarit të Shtetit Blinken me udhëheqësit rajonalë. Uashingtoni, pra me lidershipin Biden, do të ketë në BE-ne (Lajçak dhe Boreli) aleatë të dëshmuar (Gjermania, Anglia,...) për ta mbyllur kapitullin e Kosovës, dhe për ta vendosur më në fund Ballkanin në rrugën e sigurisë, stabilitetit dhe paqes konseguente...
Shkrimet në këtë rubrikë nuk shprehin qëndrimet e gazetës "Kosova Sot Online".