Paqja me fqinjët nuk ndërtohet duke marrur tokë nga tjetri në emër të paqes!
Muhamet Kelmendi
Shkruan: ANALISTI-Muhamet Kelmendi
Miodrag Vllahovic Ish ministër i jashtëm i Republikës së Malit të Zi, në një konferencë për shtyp, për demarkacionin nxjerrë konkludim: "Demarkacioni, në njërën anë, është i drejtë dhe, në anën tjetër, kemi mundësi për ri diskutim, i cili do të sjell të njëjtin përfundim".
Ky diplomat, në mënyrë perfide dhe shumë shoviniste, tregon se ai territor, përkatësisht mbi 8 mijë h. tokë të Kosovës, "janë" të Malit të Zi. Por, për këtë diploma dhe për mendimtarët si ky, qoftë nga Kosova, qoftë nga Mali i Zi etj., po sjellim disa fakte, të cilat tregojnë se kudo ku vendoset kufiri në atë territor, tokat janë shqiptare. Faktet janë:
1. Ulqini dhe Tivari ishin shqiptare dhe po Mali i Zi në vitin 1879, pas një vendimi të padrejtë të Kongresit të Berlinit, i pushtoje me forcën ushtarake nën ndihmën e Francës.
2. Po pas këtij kongresi u pushtua Plava dhe Gucia, Hoti dhe Gruda, tërë Malësia e Shkodrës, si dhe u nda Liqeni i Shkodrës me rrethinë, që ishin thjeshtë territore shqiptare.
3. Po në këto vite u ripushtua Rozhaja dhe Dacajt.
4. Tash përsëri po e zgjeron Mali i Zi territorin e vetë në tokë shqiptare në trevën heroike të Rugovës së Pejës. I theksova këto fakte për të sqaruar faktin se vetë Podgorica duhet të hoqi dorë nga territoret e tilla shqiptare.
Dhe, jo vetëm kjo, por që të kemi paqe të qëndrueshme midis malazezve dhe shqiptarëve, duhet të rishikohet i tërë kufiri. Mali i Zi nuk mund të fshehta pas idesë së çështja e demarkacionit është çështje e Kosovës. Kjo, natyrisht është çështje e Kosovës, por edhe e Malit të Zi, sepse ky shtet po i merr tokat shqiptare. Për këtë kërkohet të shqyrtohet i tërë kufiri shqiptaro - malazez.
Pse? Sepse nën Malin e Zi kemi territore të mëdha shqiptare dhe kjo nuk e garanton paqen midis dy popujve. Z. Vllahoviq ikë në Podgoricë dhe atje trego faktet historike ndaj shtetit tënd se si i keni pushtuar territoret shqiptare. Trego se shteti i juaj është ndërtuar dhe po ekziston mbi tokat shqiptare. Kjo nuk e garanton paqen z. Vllahoviq. Paqja nuk sigurohet duke marre tokë në emër të ndonjë çështjeje që gjoja e garanton paqen, por që në realitet, krijon tendosje ndërshtetërore midis dy popujve tanë. Pushtimi i tokës shqiptare qon te konfliktet e reja. Paqja garantohet duke i lëshuar tokat shqiptare nga okupimi.
Shkrimet në këtë rubrikë nuk shprehin qëndrimet e gazetës "Kosova Sot Online".