Sondazhet për zgjedhjet, të dizajnuara nga mediat e ‘politikës’

Shkruan: ANALISTI- Blerim Burjani

Në pritje të ditës së zgjedhjeve lokale të këtij viti, datës 17 tetor, kanë vërshuar përplot sondazhe, disa të porositura e shumica partiake, por shumica  arnuese, anuese dhe  tepër të njëanshme. Kjo dëshmon se sa është i rëndësishme  edhe pushteti për një klasë të tërë politike që në klientelën e vetë ka njerëz, militantë pa asnjë  cv- profesionale dhe akademike, por  që shumica janë problem social i shtetit prandaj  janë të varur nga politike dhe zhvatja e shtetit. Pra edhe disa media jetojnë nga politika dhe  punojnë për dikë, dhe tashmë nuk është sekret sepse po dihet edhe kjo punë.

Lexoni edhe:

Përplasje veturash në rrugën Malishevë-Rahovec, tre persona të lënduar

Pasi që politika është më profitabile se sa për të krijuar biznes produktiv, se sa për të themeluar kompani private e me fitua më punë të ndershme duke bërë biznes e punësuar njerëz të pa punë, këto parti politike po synojnë  qysh të bëjnë biznes  me politikën sepse për këta të ashtuquajtur politikan të pa shkollë e pa thirrje akademike paratë e popullit janë të padhembshme për ti shpenzuar. Pra kjo është e keqja më e madhe që Kosova e ka përballë dhe është pengesa më e madhe e fuqizimit të instalimit të mirëfilltë të demokracisë politike që frymon dhe punon për interesin e popullit e jo për  grupet e ngushta klienteliste, për të përfituar një grup i caktuar duke mashtruar, e për me hy njerëzit e atij grupi dikund në një punë  si raste sociale që i zgjidhin problemet personale e familjare. Për mendimin tim këto sondazhe që po krijojnë mjegull te opinioni publik janë sikur  një lloj i qitjes së falli, janë  një mjet përfitimi për anim dhe për të kryer punë momentale për ndonjë parti politike, për ti dhënë infuzion në opinion. Nuk është aspak  e çuditshme pse të gjitha këto janë storje të përditshme  të disa  Tv-ve  private që bëjnë politik por jo diçka tjetër. Pra nuk ka ndonjë rendësi me interesin publik por ka rëndësi të përfitimit të përkohshëm politik përmes mashtrimit, e ku përfiton edhe  biznesi i lidhur me politikën.  

Shkrimet në këtë rubrikë nuk shprehin qëndrimet e gazetës "Kosova Sot Online".